Brancusi–Serra
Constantin Brancusi, Beltz zuria (I) [La négresse blanche (I)], 1923
Beltz ilehoria (La négresse blonde), 1926
Richard Serra, Uhalak (Belts), 1966–67
Iruzkinak
Richard Serra, 1, 2, 3, 4, 5, 6, 7, 8, 1987
- Izenburua:
- Richard Serra, 1, 2, 3, 4, 5, 6, 7, 8, 1987
- Erakusketa:
- Brancusi–Serra
- Gaiak:
- Artea eta espazioa | Artea eta emozioa | Eragin artistikoa | Sorkuntza artistikoa | Gainazala | Geometria | Kolorea | Materiala | Mugimendua | Oreka | Pisua | Tamaina | Dualtasuna
- Artelan motak:
- Eskultura
- Aipatutako artistak:
- Serra, Richard
Altzairuzko zortzi xafla elkartu zituen Serrak erdialdean forma ortogonal bat eratzeko. Diseinuaren soiltasuna, fintasuna, eta darion mugimendu sentsazioa, ez datoz bat erabilitako materialekin. Gerturatzen zarenean bakarrik jabetuko zara eskulturaren eskalaz —altueraz, pisuaz eta masaz— eta metalaren koloreaz eta testuraz. Eskultura tradizionalean ez bezala, ez dauka idulkirik edo oinarririk, artelanetik urrunduko gaituenik. Inpaktu fisikoa zuzena da, barrura sartzera eta artelanarekin harremanetan jartzera gonbidatzen gaitu. Elkarlotuak dauden altzairu astunezko xafla horien artean geldialdi bat egitean txiki eta hauskor ikusten ditugu gure buruak.
Obra hau hainbat modutan esperimentatuko dugu gertutik edo urrutiagotik behatzen badugu. Kontraesanak, horien artean, pisua eta oreka, astuntasuna eta arintasuna, indar zentripetua eta indar zentrifugoa, sarritan agertu ohi dira Serraren lanetan. Izan ere, txikitandik sorrarazi izan diote kezka. Behin haurtzaroko oroitzapen bat gogora ekarri zuen, aitak lan egiten zuen ontziolakoa, itsasontzi bat uretaratzen ikusi zuenean.
“Pisu astun-astuna zena arin bihurtu zen ontzia ur gainean aske eta jitoan zihoala”. “Une hartan txunditua, harritua geratu nintzen eta gogoan dut oraindik. Behar nuen lehengai guztiak oroimenean ditut gordeak, eta behin eta berriro etorri zaizkit ametsetan”.