© Murakami
Eta gero, eta gero eta gero eta gero eta gero (urdina) eta (gorria) [And Then, And Then And Then And Then And Then (Blue) and (Red)], 1996
Iruzkinak
Sarrera
- Izenburua:
- Sarrera
- Erakusketa:
- © Murakami
- Gaiak:
- Artea eta ekonomia | Eragin artistikoa | Tamaina | Herri-kultura | Japonia | Tradizioa
- Artelan motak:
- Animazioa | Eskultura | Instalazioa | Komikia | Pintura
- Aipatutako artistak:
- Murakami, Takashi
Ongi etorri © Murakami erakusketara. Takashi Murakami artista japoniarrari orain arte eskaini zaion atzera begirako zabalena da hau: haren pintura, eskultura eta instalazio adierazgarrienak, eta azkenaldiko eskala handiko lanak bildu dira bertan. © Murakami erakusketa, Fundación Jesús Serra bitarteko, Seguros Bilbaoren babesari esker gauzatu da.
Murakami Japonian jaio zen 1962an. Nihonga eskolan trebatu zen, hots, usadiozko teknika eta gai japoniarrak oinarri dituen pintura-estiloan. Izan ere, tradizioaz baliatzen da oraindik haren lanetan, Japoniako herri-kulturaren osagaiak, esaterako, animea edo animazioa eta manga edo komikia, erabiltzen dituen arren.
Artelanak sortzeaz gain, komisarioa, hizlaria, ekitaldien koordinatzailea, esataria, egunkaritarako zutabegilea eta artista sortu berrien agentea da Murakami. Nazioarteko enpresa baten jabe eta zuzendari da gainera, Kaikai Kiki izeneko enpresarena: Japoniako artisau gremioen eta animazio enpresen tradizioari jarraituz, bertako langileak trebetasun eta gaitasun oso espezializatuen arabera antolatzen ditu. Murakami bera produkzioaren alderdi guztiez arduratzen da eta berak gainbegiratzen du bertan ekoizten den lan bakoitzaren kalitatea, pintura zein plastikozko iruditxo den. Mendebaldean nahiz Japonian tradizioz ezarritako mugetatik harantz zabaltzen du Murakamik artistaren rola.