© Murakami
Bola magikoa (Magic Ball), 1999
Time Bokan –Urdina (2001), Gorria (2001) eta Lima (2009) [Time Bokan – Blue (2001), Red (2001) and Lime (2009)]
Iruzkinak
Kaikai eta Kiki, 2007
- Izenburua:
- Kaikai eta Kiki, 2007
- Erakusketa:
- © Murakami
- Gaiak:
- Artea eta ekonomia | Eragin artistikoa | Sorkuntza artistikoa | Japonia | Dualtasuna
- Mugimendu artistikoak:
- Arte Garaikidea
- Aipatutako artistak:
- Murakami, Takashi
Bi irudi hauek, Kaikai eta Kiki izenekoak, Murakami-ren zaindari espiritualak dira. Kaikaik belarri luzeak ditu, eta irribarrea aurpegian; Kikik, berriz, hiru begi eta hortz zorrotzak. Bakoitza lore-bola landu baten gainean dago.
Irudi hauen izenek kaikaikiki japonierazko hitzean dute jatorria, “fina” eta “bitxia edo ezohikoa“ esan nahi duen hitzean, alegia. Termino hori XVI. mendean erabili izan zuten kritikariek, Kano Eitoku margolariaren lana deskribatzeko: lan ausarta, ahalmentsua, baina aldi berean sentsibilitate handikoa. Pertsonaia bakoitzak itxuraz aurkakoak diren nolakotasun horien konplexutasuna aditzera ematen digu.
Murakamik 2001ean sortutako enpresaren izena ere bada Kaikai Kiki. Bertako helburuak hauek dira: artelanak ekoiztea eta sustatzea, artista gailenen lana kudeatzea eta artista horiei babesa ematea, arlo askotariko ekitaldiak eta proiektuak aurrera eramatea, eta merchandising gaiak produzitzea eta banatzea. Enpresa honek Tokion, New Yorken eta Los Angelesen ditu egoitzak, eta 130 langileek behar egiten dute bertan. Kaikai Kiki erakunde berezia da, etorkizunari begira arte garaikidearen aberastasuna eta eragina zabaltzea xede duena.