© Murakami
Hifak mundua estaliko du apurka-apurka. “Estralurtarren mundurako ate horretara heldu beharko gintezke laster. Itxaron gu han izan arte!” (Hypha will cover the World, little by little. “We should be able to get our hands on that door to the alien World soon. Wait till we get there!”), 2007
Tongari-kun, 2003–04; Zoucho-kun, 2003–05; Koumokkun, 2003–05; Jikokkun, 2003–05; eta Tamon-kun, 2003–05
Iruzkinak
Tan Tan Bo oka egiten—Gero Tan ezizenez (Tan Tan Bo Puking – a.k.a. Gero Tan), 2002
- Izenburua:
- Tan Tan Bo oka egiten—Gero Tan ezizenez (Tan Tan Bo Puking – a.k.a. Gero Tan), 2002
- Erakusketa:
- © Murakami
- Gaiak:
- Artea eta gizartea | Eragin artistikoa | Tamaina | Erretratua eta autorretratua | Kontsumoa
- Artelan motak:
- Komikia | Pintura
- Aipatutako artistak:
- Murakami, Takashi
1990eko hamarkadako Murakami-ren lanetan hainbat erreferentzia autobiografiko aurki ditzakegu. 2002ko pintura monumental hau, ordea, haren egoera fisikoa eta mentala adierazten duen aurreneko obra da artistaren iritziz.
Murakamik haren pertsonaia bereizgarriak eta haren lanetan hain ohikoak diren loreen eta onddoen motiboak elkartu ditu hemen, ikuspegi apokaliptiko batean.
Irudi nagusia, Mr DOB ezaguna, hortz zorrotzeko munstro erraldoi bihurtu da. Eta bere sabelkoikeriaren eraginez, jan duen guztia oka egiten ari da. Beste DOB batzuen irudi piloa du inguruan, itxuraldatzen edo mutatzen ari direnak. Artistaren hiru zaindariak —Oval, Kaikai eta Kiki— ere dagertza: mihisearen behealdean, erdian, onddo baten gainean dago Oval eserita; eskuinaldean, untxi-belarriak dituen Kaikai txikia agertzen da; eta, eskuinetara, urrunago, aldare batean etzanda ageri da Kiki, beste mundura goratzeko prest.
Kontakizun honen muinean hauxe aurkitzen dugu: autodestrukziora iristerainoko gizarteak kontsumitzeko duen grina biziaren alegoria.
Irudi nagusia Shigeru Mizuki-ren komiki edo manga sail bateko pertsonaia baten egokitzapena da, izan ere, manga idazle horixe da Murakamik gustukoen duena, eta txikitan artistarengan eragin handia izan zuena. Japoniako izaki maltzur modernoei buruzko saila sortu zuen Mizukik. Horrez gain, pintura honetan beldurrezko pelikulak ikusi ondoren izaten zituen amesgaiztoen oroitzapenez baliatu da artista, adibidez John Carpenter-en The Thing (1982), jendea munstro bihurtzen zenekoa. Hemen, artistaren beraren irudi iluna, ikaragarria eta okerra da munstroa: Murakamik argi adierazi zuenez, pintura hau haren oroitzapenen irudia eta autorretratua da.