© Murakami
Zilarrezko Oval buda gisa (Oval Buddha Silver), 2008
Tan Tan Bo oka egiten—Gero Tan ezizenez (Tan Tan Bo Puking – a.k.a. Gero Tan), 2002
Iruzkinak
Hifak mundua estaliko du apurka-apurka. “Estralurtarren mundurako ate horretara heldu beharko gintezke laster. Itxaron gu han izan arte!” (Hypha will cover the World, little by little. “We should be able to get our hands on that door to the alien World soon. Wait till we get there!”), 2007
- Izenburua:
- Hifak mundua estaliko du apurka-apurka. “Estralurtarren mundurako ate horretara heldu beharko gintezke laster. Itxaron gu han izan arte!” (Hypha will cover the World, little by little. “We should be able to get our hands on that door to the alien World soon. Wait till we get there!”), 2007
- Erakusketa:
- © Murakami
- Gaiak:
- Eragin artistikoa | Sorkuntza artistikoa | Sinbologia | Herri-kultura | Japonia | Drogak
- Artelan motak:
- Pintura
- Aipatutako artistak:
- Murakami, Takashi
Titulu luze honek 2007ko pintura honen testuingurua aurkezten digu. Murakami-k asmatutakoa da, komiki bateko aipamen bat ematen badu ere: “Hifak mundua estaliko du apurka-apurka. “Estralurtarren mundurako ate horretara heldu beharko gintezke laster. Itxaron gu han izan arte!” Onddoen harizpia da hifa, eta euren hazkuntzarako ezinbestekoa: argi dago perretxiko estralurtarrak mundua menperatzeko prest daudela.
Onddoak garrantzizko motiboa dira Murakamiren lanean. Era askotara agertzen dira behin eta berriro, bai mihiseetan bai hiru dimentsioko lanetan. Animazioko pertsonaien antzera landuak daude, eta abstraktuak, humanoideak, dotoreak edo itxuragabeak izan daitezke, baita eztiak edo ikaragarriak ere. Sarritan, hemen adibidez, onddoen txapelean begi-globoak daude sakabanatuak.
Droga haluzinogenoak, “onddo magikoak” esaterako, sarritan lotzen dira iratzarraldi espiritualekin: Beatles taldetik hasita abestien konpositoreek arakatu izan dute gai hori, adibidez. Pop musikaren bidez, drogen kultura gehiengoarengana nola iristen den interes berezia eragiten dio Murakamiri. Horrez gain, onddoak betidanik izan dira oso jaki preziatua Japoniako kulturan: euren ezaugarri gastronomikoengatik, aniztasunagatik eta bizitzaren iragankortasuna aditzera ematen dutelako, lurretik sortu eta berehala hiltzen dira-eta. Yumeji Takehisa artisauaren lana ere inspirazio-iturri izan du Murakamik, artista horrek onddo pozoitsuen marrazki erakargarriekin dekoratutako zapiak eta bildumazaleentzako gaiak sortu izan baitzituen.