© Murakami
Eta gero, eta gero eta gero eta gero eta gero (urdina) eta (gorria) [And Then, And Then And Then And Then And Then (Blue) and (Red)], 1996
TAKASHI errotulua (Signboard TAKASHI), 1992/2007; eta TAMIYA errotulua (Signboard TAMIYA), 1991/2007
Iruzkinak
Miss ko2, 1996
- Izenburua:
- Miss ko2, 1996
- Erakusketa:
- © Murakami
- Gaiak:
- Emakumea artean | Generoa eta sexualitatea | Artea eta ekonomia | Eragin artistikoa | Sorkuntza artistikoa | Sormena | Lan-prozesua | Japonia
- Artelan motak:
- Animazioa | Eskultura | Komikia
- Aipatutako artistak:
- Murakami, Takashi
Miss ko2 Murakami-k egindako aurreneko eskultura da, 1997an sortu zuen. Hanka luzedun zerbitzari bat irudikatzen du, “pop izar” bihurtzea amets duena. Neska hau Murakamiren pertsonaia bereizgarrietako bat bihurtu da eta haren aurpegi xarmagarriari eta gorputzaren biribilguneei esker, komikietako sex symbol klasikoen irudi ere bada.
Miss ko2 kulturalki oso anitzak diren otakuen fantasietan inspiratua dago, hau da, anime eta manga jarraitzaileen fantasietan. Fantasia horietako bat, esaterako, emakume arteko borrokak erakusten dituen “Variable Geo” izeneko bideo-joko sailetako pertsonaia bat da. Pertsonaia horrek daraman uniformea Anna Miller’s Japoniako jatetxe-kateko zerbitzari famatuek daramaten uniformearen antzekoa da; izan ere, jatetxe horietako emakumezko zerbitzariak ere badira inspirazio-iturri. Hala janzten dira zerbitzariok: alkandora zuri bat, bular azpian estututako soineko laranja edo arros labur-labur bat, amantal bat eta euren izena daraman bihotz-formako plaka bat. Otakuen artean ikono bilakatu dira zerbitzari hauek.
Eskultura honekin, tamaina naturaleko “irudi” baten aurrean gaudelako sentsazioa eragiten digu Murakamik, pertsonaia ezagun batean oinarritutako plastikozko panpin baten aurrean. Animeari lotutako irudiak oso hedatuak daude Japoniako merkatuan, eta otakuek obsesiboki erosten dituzte. Nahi zuen efektu hori lortzeko, Murakamik Japoniako Kaiyodo enpresara jo zuen, haiek irudia egin zezaten. Hasiera batean, arte-proiektu batean lan egiteko ideiari ezetz esan zioten arren, enpresako kreazio-buru BOMEk Miss ko2 fabrikatzea lortu zuen Murakamik.
Eskulturak agerian uzten du otakuen fantasiazko hain mundu espezializatuak zein eragin duen Murakamirengan; gainera, etengabe garatzen dabilen artea eta komertzialismoa bat etortzeari buruzko ikerlanaren hasierako adibideetako bat da.