© Murakami
Miss ko2, 1996
Bola magikoa (Magic Ball), 1999
Iruzkinak
TAKASHI errotulua (Signboard TAKASHI), 1992/2007; eta TAMIYA errotulua (Signboard TAMIYA), 1991/2007
- Izenburua:
- TAKASHI errotulua (Signboard TAKASHI), 1992/2007; eta TAMIYA errotulua (Signboard TAMIYA), 1991/2007
- Erakusketa:
- © Murakami
- Gaiak:
- Artea eta ekonomia | Artea eta politika | Eragin artistikoa | Sorkuntza artistikoa | Publizitatea | AEB | Japonia
- Aipatutako artistak:
- Murakami, Takashi
Artistaren ibilbidearen hasiera aldeko bi lan hauek erakusten digutenez, ordurako Murakami-k marketan eta identitatean interesa zuen. Artistak azaldu duenez, TAMIYA japoniar enpresaren logotik sortu zitzaion ideia. TAMIYA da Japonian plastikozko maketen fabrikatzaile handiena, Murakamik txikitan gogo biziz muntatu ohi zituen horiena, hain zuzen. TAMIYA logoaren diseinuak bi izar ditu koloretako hondo baten gainean (AEBetako banderan inspiratuak ziur asko). Behealdean, enpresaren lemak hauxe dio: “Munduan diren kalitate onenekoak.”
Garai hartan, produktuen promoziorako erabilitako hizkuntza guztiz hanpatua aztertzen hasi zen Murakami, Japoniako enpresen logoena, besteak beste. Haren ustez, TAMIYA logoak AEBetako banderaren gorria eta zuria erreproduzitzen zituen, Japonia AEBen parean jar zitekeela eta hura gainditzen saiatzen ari zela erakusteko, nahiz eta, Bigarren Mundu Gerran Japonia garaitua izan. Murakamik bere izena, TAKASHI, obran idaztea erabaki zuen, mutiko bat zela hain gustuko zuen maketa-egilearekiko maitasuna eta haren mira adierazteko; baina, horrez gain, oraindik jostailugile baten esku egoteak sortzen dion tristura ere jasotzen du lanak.
Egun, obra hori berriro behatzean, Murakamik azaldu du haren lanetan azaleratuko ziren gai guztiak biltzen direla, besteak beste: gerra, bi kulturaren arteko Japoniaren jarrera anbiguoa; “hasiberri” sentsazioa; eta barne-behaketa.