© Murakami
727-727, 2006
ko2 proiektua bigarren misioa (Mota: gizakia), (Mota: Ga-Walk) eta (Mota: erreakzio-hegazkina) [Second Mission Project ko2 (Human Type), (Ga-Walk Type) and (Jet Airplane Type)], 1999–2007
Iruzkinak
Taximetroa (Dumb Compass), 2008 eta Amaigabetasuna (Infinity), 2008
- Izenburua:
- Taximetroa (Dumb Compass), 2008 eta Amaigabetasuna (Infinity), 2008
- Erakusketa:
- © Murakami
- Gaiak:
- Eragin artistikoa | Sorkuntza artistikoa | Lan-prozesua
- Mugimendu artistikoak:
- Arte Abstraktua | Op-art
- Artelan motak:
- Pintura | Serigrafia
- Aipatutako artistak:
- Murakami, Takashi
Bi pintura abstraktu hauek 2008koak dira, eta Murakami-k hartutako norabide erradikalenetako bat adierazten dute. Pintura hauek agerian uzten dute artistak graffitian, efektu berezietan eta Op artean duen interesa. Azken horrek fenomeno optiko jakin batzuez baliatzen den arte abstraktu mota da, hala sortzen dute obrek dardar egiten dutelako, taupaka ari direlako edo ñir-ñir egiten dutelako ilusioa. Hemen, teknika ugari erabili ditu Murakamik: kuia formako tinta-orbanak, Benday puntuak eta pintura jario eta zipriztinak, spraya erabiliz oraindik lehortu gabeko graffiti bat balitz bezala.
Hau guztia pastel-paleta joriarekin, kolore sakonekin eta urre-xaflarekin konbinatua agertzen da, begirada mihisearen gainazalean zehar mugiarazteko.
Lanetako bakoitza sortzeko prozesua hau da: hasieran, artistak marrazki edo zirriborro bat egiten du tintaz; ondoren, marrazki horiek digitalki lantzen ditu; gero zati horiek muntatu eta eskala handiko dozenaka serigrafia-euskarritara transferitzen ditu; lanen gainazala aratza eta leuna izan dadin, obrak geruzaz geruza serigrafiatzen ditu aluminiozko markoek tenkatutako mihisearen gainean; eta amaitzeko, azkeneko ukituak eta azaleko berniz-geruza eskuz ematen dizkie, pintzel fin bat erabiliz.