© Murakami
Taximetroa (Dumb Compass), 2008 eta Amaigabetasuna (Infinity), 2008
Zilarrezko Oval buda gisa (Oval Buddha Silver), 2008
Iruzkinak
ko2 proiektua bigarren misioa (Mota: gizakia), (Mota: Ga-Walk) eta (Mota: erreakzio-hegazkina) [Second Mission Project ko2 (Human Type), (Ga-Walk Type) and (Jet Airplane Type)], 1999–2007
- Izenburua:
- ko2 proiektua bigarren misioa (Mota: gizakia), (Mota: Ga-Walk) eta (Mota: erreakzio-hegazkina) [Second Mission Project ko2 (Human Type), (Ga-Walk Type) and (Jet Airplane Type)], 1999–2007
- Erakusketa:
- © Murakami
- Gaiak:
- Generoa eta sexualitatea | Eragin artistikoa | Sorkuntza artistikoa | Lan-prozesua | Tamaina
- Artelan motak:
- Animazioa | Eskultura | Komikia
- Aipatutako artistak:
- Murakami, Takashi
Hiru zatiz osatutako eskultura honetan, 2007an amaitutakoan, Murakami-k birsortu egin du Miss ko2 zerbitzari erakargarria, erakusketan honetan ikusgai dagoen lana. Miss ko2ren istorioak jarraitu egiten du hemen: androide bihurtu da auto-istripu baten ondoren. Hemen, agente sekretu lana egiten du emakumezko robot heroiak, hegazkin baten itxura hartuta. Lehenengo eskulturan, giza itxura du oraindik; bigarrenean, itxuraldaketa-prozesuan dago; eta, hirugarrenean, emakumezko-hegazkin bihurtu da.
Eskulturan elkartu egiten dira samurtasuna eta erotismoa, Murakamik komikietan eta animazioan oinarritutako sexualitate obsesibo gisa desbribatutako kontzeptuan jatorria dutenak. ko2 ren aurpegia xarma handikoa da, pubertaro aurreko genitalak eta bular nabarmenak ditu, eta horrez gain walkirien moduko botereak: ezaugarri horien uztartzeak bihurtzen du fantasia sexual ko2.
Trebezia handiz sortutako hiru obra hauek bai Murakamik bai haren lan-taldeak lan bikaina egiten dutela erakusten digute. Oso proiektu nekeza izan zen: aurreneko eskultura egiteko bi urte behar izan zituzten, frogaren frogaz lortu zuten arte. Hasiera batean, mikro-eskalan taxututako osagaiak ziren, digitalki manipulatutakoak; ondoren, masan produzitu ziren miniatura gisa; eta, azkenik, Murakamiren super-neskak hemen ikusten dituzuen neurri erraldoi hauek lortu zituen.
Eskulturaren edizio hau Wonder Festival-en aurkeztu zen lehen aldiz, Japonian urtero antolatzen den “irudi” topaketan. Topaketa honek zientzia fikziozko eta fantasiazko gaietan edo gai militarretan inspiratutako plastikozko modeloak edo irudiak biltzen ditu; eta halako irudien zale porrokatuak diren berrogei mila jarraitzaile edo otaku inguru erakartzen ditu.