Rubens eta bere garaia. Ermitage Museoaren altxorrak
David Teniers Gaztea, Festa
Andries van Eertvelt, Espainiar flotaren eta itsasontzi holandarren arteko bataila, 1573ko maiatzan, Haarlem-eko setioa bitartean
Iruzkinak
Peter Paul Rubens, Artzain-paisaia ortzadarrarekin
- Izenburua:
- Peter Paul Rubens, Artzain-paisaia ortzadarrarekin
- Erakusketa:
- Rubens eta bere garaia. Ermitage Museoaren altxorrak
- Gaiak:
- Bukolismoa | Bildumagintza | Eragin artistikoa | Ibilbide artistikoa | Sorkuntza artistikoa | Sinbologia | Genero artistikoak | Paisaia | Ermitage Museoa | Flandes | Italia
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Rubens, Peter Paul
Paisaia idiliko hau, flandestar margolaritza-eskolako burutzat aintzatetsi den Peter Paul Rubens‑ek margotu zuen. Gizakia eta natura harmonian erakusten dizkigun ikuspegia da. Lehenengo planoan, Rubensek artzain-idilio bat irudikatu du: artzain gizonezko eta emakumezkoak atseden hartzen, lasai eta patxadaz. Artzain bat txirula jotzen. Ardiak bake‑bakean bazkatzen. Gizakien bakea berdintzen du atzean duten paisaiaren lasaitasunak eta egonkortasunak: distantzia ertainean dagoen zubiak oihartzuna du zeruan agertzen den ortzadarran (bakearen eta harmoniaren sinbolo).
Rubensek italiar maisuengandik mailegatu zuen konposizio honetarako elementuetariko asko, bereziki txirula‑jotzailearen jarrera. Italiar erreferentziak direla kausa, adituek margolan hau 1632 eta 1635 bitartekoa dela esan ohi dute. 1630eko hamarkadan aurrerago, Rubensek berezikiago flandestarrak diren paisaietara joko zuen.
Rubensen lanak Ermitage bildumako zati garrantzitsu‑garrantzitsua dira. Eta bilduma ospetsua da, lan horien kalitate handiagatik ez ezik, duten berealdiko aniztasunagatik ere. Erakusketan zehar zoazela, artista haren lorpenaren handitasun itzelaz jabetuko zara. Izan ere, landu zituen ia genero guztietako adibideak ikusiko dituzu: paisaiak, historiari buruzko margoak, erlijiozko lanak, alegoriazko irudikatzeak eta erretratuak. Sendetsi egiten dute Rubensek berak aldarrikatu zuena:
“Nire talentua hainbestekoa da, inolako lanek ez duela gainditu nire adorea, lanaren handitasuna edo gaiaren aniztasuna edozein izanda ere”.