Rubens eta bere garaia. Ermitage Museoaren altxorrak
Marx Weinold, Erretilu apaingarria: ikaskuntzaren alegoria
Wilhelm Schubert von Ehrenberg, Eliza baten barrualdea
Iruzkinak
Anton van Dyck, Kristo bere dizipuluei agertu zitzaienekoa
- Izenburua:
- Anton van Dyck, Kristo bere dizipuluei agertu zitzaienekoa
- Erakusketa:
- Rubens eta bere garaia. Ermitage Museoaren altxorrak
- Gaiak:
- Artea eta erlijioa | Artea eta historia | Eragin artistikoa | Ibilbide artistikoa | Sorkuntza artistikoa | Konposizioa | Erlijio-margoa | Erretratua eta autorretratua | Historia-margoa | Biblia | Ingalaterra | Ingalaterrako Karlos I.a | Aristokrazia
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Rubens, Peter Paul | van Dyck, Anton
Anton van Dyck‑ek eginiko margolan hau 1620ko hamarkadaren hasierakoa da, segur aski. Itun Berriko eszena bat erakusten du: hain zuzen ere, Kristo berpiztua dizipuluei agertu zitzaienekoa. Kristo zutik dago, argiak inguratuta. Zaurgarri ageri da, umiltasunez beherantz begira, bere esku luzatuei so. Dizipuluen aurpegiak itzal-artetik azaltzen dira. Haietako bik, zutik, txundituta eta errespetuz beterik behatzen diote. Hirugarrena makurtua dago, iltzeek Kristori esku‑azpietan egindako zauriak ikusten. Hirugarrena, seguruenik, Tomas —askotan Tomas Zalantzatia ere deitua izango da—, ez baitzuen sinetsi Kristo berpiztu zela, harik eta ebidentzia bere begiez ikusi zuen arte.
Van Dycken margolaneko konposizioa Rubensek gai beraren gainean egindakoaren antzekoa da: irudi-talde trinkoa, eskuen keinu adierazgarriak. Van Dyck, izan ere, Rubensen ikasle izan zen. Are gehiago, Rubensek bere ikaslerik onena zela esan zuen. Bere irakasle handia bezala, Van Dyck maisutasunez aritu zen hainbat eta hainbat pinturaren generotan. Historiaren margolaritzat zuen trebetasunaren erakusgarri da lan hau. Baina ezagunagoa da erretratuengatik, batez ere aristokratei eta errege-familiei egin zienengatik. Izatez, bere bizitzako azken urteak Ingalaterran eman zituen, Karlos I.a erregearen erretratugile gisa. Erregeak zaldun izendatu zuen. Erakusketa honetan aurrerago, nobleziaren erretratugile nagusi izatearen ospea eman zioten erretratuetako batzuk ikusi ahal izango dituzu.