Rubens eta bere garaia. Ermitage Museoaren altxorrak
David Teniers Gaztea, Anberesko baleztari-gremioko Ordenako kideen erretratua
Beira izoztuaren teknikaz egindako ontzia
Iruzkinak
Adriaen Brouwer, Herriko hitzontzia (Eromenaren harriaren erauzketa)
- Izenburua:
- Adriaen Brouwer, Herriko hitzontzia (Eromenaren harriaren erauzketa)
- Erakusketa:
- Rubens eta bere garaia. Ermitage Museoaren altxorrak
- Gaiak:
- Artea eta umorea | Bildumagintza | Sorkuntza artistikoa | Genero-margoa | Nekazariak artean | Flandes | Ergelkeria
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Brouwer, Adriaen | Rubens, Peter Paul
Herriko hitzontzia Adriaen Brouwer‑ek pintatu zuen, 1620ko hamarkadan. Tabernan dauden nekazarien eszena bat erakusten du. Eskuinaldeko pertsonaia, kidekoek baino kolore biziagoko jantziak dituena, petrikiloa da, eta operazio bat egiten ari da. Pazientearen burutik harri bat aterako duelako plantak egiten ari da. Egiaz, burua ebaki eta gero, atzamarren artean ezkutatuta daukan harria aterako du. Lehen planoan, petrikiloaren esanetan beste paziente batzuei ateratakoak diren bi harri ikus ditzakezu. Pazienteak eurak petrikiloaren atzean dauden, eskuinaldean. Haietako batek bendatua du burua. Beste batek keinuak egiten ditu besoarekin, beharbada edaria eskatzeko; eta norbaitek gainera bota dio edaria, goiko leiho batetik.
Margolan honen ideia jendartean zabalduta zegoen sinesmen batetik dator: buruaren barruan «ergelkeriaren harria» zegoelako sinesmenetik, alegia. Harri hori kentzea lortuz gero, pazienteari bizio guztiak eta kirtenkeria osoa sendatuko zitzaizkion. Gaiaren trataera komiko honetan, Brouwerrek ergelkeria hartu du gai nagusitzat. Aurpegi lizunekiko eta haur itxurarik ez duten umeekiko talde groteskoa eratu du. Haiek bezain groteskoa den gizon likits batek burutik behera egiten die burla. Ardoa isurtzen diote elkarri, eta gogotik egiten diote barre batak bestearen minari. Ematen du Brouwerrek adierazi nahi duela giza ergelkeria ezin dela kirurgiaz sendatu.
Margolana generoko pinturaren flandestar tradizioari, eguneroko bizitzako eszenen tradizioari, atxikitzen zaio irmo. Hau bezalako tabernako gaiak, nekazarien portaera satiritzaren dutenak, oso maitatuak ziren jendartean, eta Brouwer biziro miresten zuten garaikideek. Rubens bera Brouwerrek egindako hamazazpi pinturaren jabe zen.