Rubens eta bere garaia. Ermitage Museoaren altxorrak
Beira izoztuaren teknikaz egindako ontzia
Anton van Dyck, Autorretratua
Iruzkinak
Armadura-erdia
- Izenburua:
- Armadura-erdia
- Erakusketa:
- Rubens eta bere garaia. Ermitage Museoaren altxorrak
- Gaiak:
- Artea eta historia | Dekorazio-arteak | Eragin artistikoa | Sorkuntza artistikoa | Armadurak | Ermitage Museoa | Flandes | Konstantino I.a enperadorea
- Mugimendu artistikoak:
- Barrokoa
- Artelan motak:
- Artisautza | Tapiza
- Aipatutako artistak:
- Rubens, Peter Paul
Honelako armadura-erdiak ohikoak ziren hamazazpigarren mendearen hasieran. Armaduraren forma aldatzen ari zen garai hartan. Su-armak gero eta eragingarriagoak ziren gudalekuan, eta, horrenbestez, balak gerarazteko moduko armadurak egin behar ziren. Baina horrek esan nahi zuen oso lodiak izan behar zirela, eta horrek astunagoak izatea zekarren. Laster, bistakoa izan zen armadura-jantzi osoak bizirik irauteko lagungarri izan beharrean, eragozpena zirela. Hamazazpigarren mendearen erdialdeaz geroztik, zalduneriako ekipamendu estandarra bular‑oskola eta kaskoa ditugu, eta oso zabalduak izango ziren hemeretzigarren mendean nahiko aurrera egin arte.
Armadura-erdiko jantzi hau Alemanian edo Suitzan egin zuten, 1600 urtearen inguruan. Harengandik gertu, lehentxoagokoa den altzairuzko kasko irekia ikus dezakezu. Armadura-erdia bezalaxe, kaskoa erabat soildu zuten, azalean inolako apaingarririk jarri gabe. Horrek iradokitzen digu gudarako zegoela eginda, berariaz, eta ez desfileetarako. Puntazko koroa eta hainbat aldeko azalak kolpeak desbideratzeko zeuden eginak. Eta masailen babesgarri luzeek nahiz bisore nabarmenduak babes handiagoa ematen zuten. Kasko irekiak, batik bat, infanteriak erabiltzeko ziren. Armadurazko jantziaren lepoko piezari egokituta joan ohi ziren, janzten zuenak burua biratuta ere lepoa agerian ez uzteko moduan.
Armadura ez ezik, galeria honek Ermitageko hamazazpigarren mendeko bildumako zenbait tapiz ere erakusten ditu. Tapizak arte-forma tradizionaletarikoa zen Flandesen; eta Rubensek eragin garrantzitsua izan zuen bere garaiko tapizen diseinuan. Diseinu horietako askok Rubensen margolanetako konposizioak errepikatzen ditu. Baina Rubensek berak ere hainbat diseinu egin zuen tapizetarako. Esaterako, serie bat diseinatu zuen kristautu zen lehenengo erromatar gobernariaren historia irudiztatzeko, hau da, Erromako Konstantino enperadorearen historia irudiztatzeko. Serie horretako hiru ale dituzu hemen: Konstantinoren bataioa; Konstantinoren koroatzea eta Erroman sartu zenekoa.