Rubens eta bere garaia. Ermitage Museoaren altxorrak
Jan Brueghel Zaharra, Paisaia oihantsua (atsedenaldia Egiptorako ihesaldian)
David Teniers Gaztea, Anberesko baleztari-gremioko Ordenako kideen erretratua
Iruzkinak
Peter Paul Rubens, Gurutzetik eraistea
- Izenburua:
- Peter Paul Rubens, Gurutzetik eraistea
- Erakusketa:
- Rubens eta bere garaia. Ermitage Museoaren altxorrak
- Gaiak:
- Artea eta erlijioa | Artea eta emozioa | Sorkuntza artistikoa | Konposizioa | Lan-prozesua | Erlijio-margoa | Anberes | Anberesko katedrala | Maria Magdalena
- Mugimendu artistikoak:
- Barrokoa
- Teknikak:
- Marrazkia
- Artelan motak:
- Pintura
- Aipatutako artistak:
- Rubens, Peter Paul
Rubens-ek irudi asko egin zuen Kristo gurutzetik eraitsi zuteneko gertakariari buruz. Baina marrazki adierazkor honek toki berezia du haien artean. Gertutik begiratzen badiozu, artistaren metodoak barru‑barrutik ikusteko aukera aparta ematen diguten zuzenketa ugarien arrastoak ikusiko dituzu. Beharbada, berak erabiltzeko gorde zuen Rubensek marrazki hau. Gai bereko bertsio margotu guztiak baino lehenago egin zuen; eta Rubensek geroago aplikatuko zituen ideia artistiko askoren hazia dauka.
Garbi dago Rubensek marrazki hau bere enkargu garrantzitsuenetariko baten abiapuntutzat erabili zuela, hau da, Anberesko katedraleko erretaula margotu baten abiapuntutzat. Hala ere, zenbait adituk uste dute zirriborroa nahiko independenteki egin zuela, 1611n enkargua jaso baino urte batzuk lehenago. Egiaz, antzekotasun asko dago marrazki honen eta erretaula amaituaren artean. Eta Rubensek marrazkian egindako aldaketek asko laguntzen digute azken konposiziora nola iritsi zen ulertzen.
Konparazio batera, begira iezaiezu erdialdean dauden bi emakumeei. Guregandik hurbilen dagoen irudia, bizkarra erakusten diguna, Maria Magdalena da. Atzean, beste emakume bat dago, Maria Kleofas. Haren burua geroago egin zuen artistak; badirudi airean zintzilik dagoela, izan ere gorputza apenas dago iradokita. Eta Maria Magdalena bera ere guganantz gehiegi proiektatua dago, hanketarako tokirik utzi gabe. Margoak hutsegite horiek egokitzen ditu. Hemen, Maria Magdalena gurutzearen oinetik urrunegi dago. Beraz, Rubensek zegokiona baino luzeagoa egin behar izan zuen Kristoren zangoa, haren oina Mariaren bizkarraren gainean izan zedin. Bistan denez, xehetasun ezkutu horrekin pozik geratu zen, pinturan ere halaxe egin baitzuen. Bere horretan mantendu zuen beste xehetasun guztiz gizatiar bat, konposizioaren goialdean hil-oihalari hortzekin eusten dion irudi bizarduna da. Eta Kristoren gorputza diagonalari segituz jarraitzaileen besoetara eraistearen ekintza, berriz, bikain dago garatuta margolanean, mugimendu bakarraz eta leunaz.