Rubens eta bere garaia. Ermitage Museoaren altxorrak
Andries van Eertvelt, Espainiar flotaren eta itsasontzi holandarren arteko bataila, 1573ko maiatzan, Haarlem-eko setioa bitartean
Peter Paul Rubens, Irudi klasikoa (Seneka)
Iruzkinak
Jan Fyt, Azeri-ehiza
- Izenburua:
- Jan Fyt, Azeri-ehiza
- Erakusketa:
- Rubens eta bere garaia. Ermitage Museoaren altxorrak
- Gaiak:
- Artea eta politika | Bildumagintza | Artearen historia | Sorkuntza artistikoa | Lan-prozesua | Mugimendua | Ehiza-margoa | Ermitage Museoa | Animaliak artean | Errusia | Karl Cobenzl | Katalina II.a Handia
- Mugimendu artistikoak:
- Barrokoa
- Teknikak:
- Gouache | Marrazkia
- Aipatutako artistak:
- Fyt, Jan
Azeri-ehizaren irudi liluragarria Ermitageko flandestar marrazkien bildumako maisulanetarikoa dela jotzen da. Egilea Jan Fyt da, animalien irudikatze biziegatik eta koloreen zentzu finagatik ezaguna den artista. Konposizio dinamikoa da; Fytek txakurren mugimenduen abaila jasotzen du, ezkerreko txakurrek eskuinean ihesi doan azeria jazartzen dutela; eta erdialdeko txakurrek eraistea lortu duten harrapakinari hortzak sartzen diotela. Baina artistak atzealdea hostotza leunez bete du, eta horrek apaingarri balio handia ematen dio artelanari.
Marrazkia gouache‑arekin dago eginda, hau da, urkolore pintura opakoarekin. Pintura hori ikatz-ziriaren gainean aplikatua dago, paper gris horixka batean. Era berean, ikus dezakezu sareta fin bat aplikatuta dagoela marrazkiaren gainean, klera zuriarekin. Horrek esan nahi du artistak marrazki hau lan handi baten zirriborro gisa egin zuela. Lan handiago hura, asto gaineko pintura edo tapiz baterako diseinua izango zen.
Katalina Handiak 1768an erosi zuen marrazki hau, bere agintaldi luzearen hasiera aldean. Beste hainbat eta hainbat artelanekin batera erosi zuen: Austriako diplomatiko eta estatu gizon Karl Cobenzl‑en Bruselako bilduma osoarekin batera, alegia. Haren bildumak Europako eskola guztietako 4.000 marrazki inguru zituen.
Halako erosketa bat oso aproposa zen Katalinarentzat. Errusiako hiribururako, Europako kultura-gune tradizionalen pare jartzeko moduko arte-ondasunak eskuratu nahi zituen. Bilduma osoak erostea zen amets hura egia bihurtzeko bide bakarra. Katalinarentzat, bilduma egitea pasioa zen; baina baita atzerri politika handinahi baten atala ere. Berealdiko erosketak eginez, Errusiaren oparotasuna —eta gustu ona— erakutsi zion munduari.