Rubens eta bere garaia. Ermitage Museoaren altxorrak
Wilhelm Schubert von Ehrenberg, Eliza baten barrualdea
Peter Paul Rubens, Gurutzetik eraistea
Iruzkinak
Jan Brueghel Zaharra, Paisaia oihantsua (atsedenaldia Egiptorako ihesaldian)
- Izenburua:
- Jan Brueghel Zaharra, Paisaia oihantsua (atsedenaldia Egiptorako ihesaldian)
- Erakusketa:
- Rubens eta bere garaia. Ermitage Museoaren altxorrak
- Gaiak:
- Artea eta erlijioa | Sorkuntza artistikoa | Erlijio-margoa | Lore-margoa | Paisaia | Landa-eszenak | Lankidetza artistikoa | Biblia | Animaliak artean | Pieter Bruegel Zaharra
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Brueghel Zaharra, Jan | Rubens, Peter Paul
Jan Brueghel Zaharrak egin zuen paisaia oihantsu hau, 1607an. Lehenengo begiratuan, ematen du lanari ekitera doazen nekazarien eta egurgileen eszena dela: eguneroko gertakari arrunta izan zitekeen, bizitzatik hartua. Izatez, gona urdinarekiko emakumea, haurrarekin zuhaitz baten oinean eserita dagoena, Ama Birjina da. Eta eszena honek Itun Berriko gertaera bat irudikatzen du: aingeru batek Joseri, Mariari eta Jesusi Herodes erregearengandik ihes egin eta Egiptora joateko aholkatu zienekoa. Hemen, euren bidaldian atseden hartzen erakusten dizkigu Brueghelek. Baina gertakariari hurbiltasuna ematen dio, arropa koloretsuekiko nekazarien xehetasun etxetiarrak eta basoko landare nahiz animaliak nabarmenduz. Begia xehetasunik txikienera ere erakartzen digu: urrutitik datozen emakume baten eta neska baten irudi ñimiñoak; adartxo lehorrak eta belar koloretsuak, inguruetan; zuhaitzetan ezkutaturiko txoriak; hostotzaren diseinu delikatuak. Brueghelek ospe handia zuen xehetasunak adierazteko zuen zehaztasun sinesgaitzagatik. Haren lore-pintura bikainak bere garaiko finenak zirela esaten zen. Eta, egindura delikatuak irudikatzeko gaitasun aparta zuelako, «Belusezko Brueghel» goitizena jarri zioten.
«Belusezko» Brueghel margolari-familia batekoa zen, sortzez: Pieter Bruegel handiaren semea. Baina arrakasta handia lortu zuen bere kabuz, bai eta babesle handiak ere. Rubensen adiskide mina zen, eta maiz aritu zen harekin lankidetzan. Bere ukitu aparta gehitu zion paisaietan, animalietan edota loreetan.