Rubens eta bere garaia. Ermitage Museoaren altxorrak
Sebastiaen Bonnecroy, Natura hila garezurrarekin
Anton van Dyck, Kristo bere dizipuluei agertu zitzaienekoa
Iruzkinak
Marx Weinold, Erretilu apaingarria: ikaskuntzaren alegoria
- Izenburua:
- Marx Weinold, Erretilu apaingarria: ikaskuntzaren alegoria
- Erakusketa:
- Rubens eta bere garaia. Ermitage Museoaren altxorrak
- Gaiak:
- Pertsonaia mitologikoak | Artea eta mitologia | Dekorazio-arteak | Eragin artistikoa | Sorkuntza artistikoa | Bolumena | Materiala | Sinbologia | Augsburg
- Mugimendu artistikoak:
- Barrokoa
- Artelan motak:
- Artisautza
- Aipatutako artistak:
- Rubens, Peter Paul | Weinold, Marx
Erretilu bikain hau 1680ko hamarkadan egin zuten, Alemaniako Augsburg hirian. Eta ez da harritzekoa, hiri hura urregintzako eta zilargintzako produkziogunerik garrantzitsuenetarikoa baita. Sekulako talentua zuen zilargile batek, Marx Weinold‑ek egina da. Zilar urreztatua da, oso xehetasun handiko irudiez apaindua.
Erdialdeko eszena, beharbada, ikaskuntzaren alegoria da. Paisaia oihantsu baten erdian eserita, Seleneren irudia dago. Selene, greziar mitologian, ilargiaren jainkosa zen; eta, haren kopetan, aise antzeman dezakezu ilgora. Jainkosaren ondoan eserita, eskuinean, gizon bizardun bat dago, bien arteko mahaiaren gainean dagoen liburu irekia seinalatzen. Bikotearen ezkerrean, kerubin batek zabalik dagoen beste liburu bati eusten dio; eta, haien artean, lurrean eserita, beste kerubin batzuk daude han‑hemenka. Atzealdean, eskuineko aldean, gizon bizardun baten estatua dago. Erroilu bat du, eta beharbada filosofoa izango da, edo, agian, jakituriaren irudi bat da.
Eszena konplexu horrek ederki asko erakusten digu Weinolden gaitasunen neurria. Sakonera aldakorrekin egin zuen; hartara, alderdi batzuk hiru dimentsiokoak dirudite, eta beste irudi batzuk ematen du metalaren azalean marraztuak daudela, zulatuta izan beharrean, inguruarekin ia bat eginda baitaude.
Mitologia klasikoan inspiratutako eszenak dituzten erretiluz osatutako multzo bateko ale bat da hau. Gai horiek oso zabalduak zeuden garai hartako flandestar pinturan, bereziki Rubensen lanetan. Eta gai horiek garai hartako hainbat eskulangilek erabili izanak garbi erakusten du nola Rubensen eragina dekorazio-arteetara ere hedatu zen.