Rubens eta bere garaia. Ermitage Museoaren altxorrak
Adriaen Brouwer, Herriko hitzontzia (Eromenaren harriaren erauzketa)
Armadura-erdia
Iruzkinak
Beira izoztuaren teknikaz egindako ontzia
- Izenburua:
- Beira izoztuaren teknikaz egindako ontzia
- Erakusketa:
- Rubens eta bere garaia. Ermitage Museoaren altxorrak
- Gaiak:
- Dekorazio-arteak | Sorkuntza artistikoa | Forma | Lan-prozesua | Beira | Herbehereak | Flandes | Venezia
- Mugimendu artistikoak:
- Barrokoa
- Artelan motak:
- Artisautza
Ketze-prozesuaren bidez pixka bat ilundutako beirazko katilu eder hau urreztatua dago alderdi batzuetan, eta azala izotzaren itxurako diseinu dotore batez estalita dauka. Katilua Flandesen egina da, XVI. mendearen amaieran edo XVII.aren hasieran. Dena dela, beira izoztua deritzon teknika Venezian sortu zen. Beira urtuzko burbuila ur hotzetan murgiltzen zuten. Hartara, kanpoaldeko azala zartatu egiten zen, bat‑bateko tenperatura aldaketarengatik. Beirari, gero, putz egiten zioten, azken forma emateko.
Katilu hau beirazko ontzi finez eratutako multzo batekoa da; teknika ezberdinak erabiliz apainduak daude guztiak. Begira iezaiozu, adibidez, beira berde gardenaz egindako kopari. Roemer motako kopa da. Haren oin zabalari eta hutsari beira tantak aplikatu zizkioten. Hamazazpigarren mendean, roemer kopa, ontzi-mota zabalduenetarikoa zen Alemanian eta Herbeheretan; eta gehienbat ardoa edateko erabiltzen zuten. Aipagarria da, orobat, bere oin landuan beirazko hari turkesak dituen Suge-kopa. Venezian edo Herbeheretan egina da; eta haren kopa diamante puntazko grabaketa deritzon teknikaz apainduta dago. Beraz, diseinu delikatu bat zuzenean grabatu zuten kristalaren azalean. Azkenik, aipa dezagun botila urdina, gorputz biribila eta lepo altu luzea dituena. Honelako botilak oso zabalduta zeuden Herbeheretan hamazazpigarren mendean. Kalabaza-botilak esaten zieten, botilaren gorputzaren inguruan egindako ildoek nolabaiteko kalabaza itxura ematen zietelako.