Picasso eskultore. Materia eta gorputza
5. Figura: Guillaume Apollinaireren omenezko monumentu baterako proiektua, 1928ko udazkena
7. Emakume-burua, Boisgeloup, 1931
Emakume-bustoa, Boisgeloup, 1931
Iruzkinak
6. Emakume-burua, Boisgeloup, 1931
- Izenburua:
- 6. Emakume-burua, Boisgeloup, 1931
- Erakusketa:
- Picasso eskultore. Materia eta gorputza
- Gaiak:
- Emakumea artean | Giza gorputza | Eragin artistikoa | Sorkuntza artistikoa | Forma | Geometria | Tamaina | Frantzia | Marie-Thérèse Walter | Teknika eta materialak
- Mugimendu artistikoak:
- Kubismoa
- Artelan motak:
- Eskultura
- Aipatutako artistak:
- Picasso, Pablo
1930eko ekainean, Picassok Boisgeloupeko gaztelua erosi zuen, hau da, XVIII. mendeko jauretxe normandiar bat, hainbat hektareatako parke batez inguratua. Han, eskultura-tailer bihurtu zuen ukuilu zaharretako bat, eta modelatze-lanetan ematen zuen denbora gehiena; emakumezko figurak egiten zituen, bai zutikoak bai etzanak, baita emakume-buruak eta -bustoak ere, garai hartan neska-lagun zuen Marie-Thérèse Walterren hazpegietan oinarrituta.
Obra honetan zaila da protagonista ezagutzea. Lehen begiratuan, ibai-harri handiz osaturiko nahaspila bat ematen du; dena dela, poliki-poliki, sudur luze eta zintzilikaridun emakume baten aurpegia bereizten da eskuineko forma konkortuan. Aldameneko esferak buruaren atzealdea irudikatzen du; forma luzangak, berriz, ilea simulatzen du; eta hezur-itxurako elementu bertikala lepoa da. Lan honetan, Picassok Marie-Thérèseren aurpegia desintegratu zuen berriz ere eraikitzeko. Picassoren bilakaeran, irudi hau jotzen da bere emakume-buru monumentalen aurrekaritzat. Buru horiek igeltsuz ondu zituen Boisgeloupen, 1931tik 1932ra, eta horietako batzuk erakusketa honetan daude ikusgai.