Picasso eskultore. Materia eta gorputza
7. Emakume-burua, Boisgeloup, 1931
Emakume-bustoa, Boisgeloup, 1931
9. Buru kaskoduna, Boisgeloup, 1933
Iruzkinak
8. Bainularia, Boisgeloup, 1931
- Izenburua:
- 8. Bainularia, Boisgeloup, 1931
- Erakusketa:
- Picasso eskultore. Materia eta gorputza
- Gaiak:
- Emakumea artean | Giza gorputza | Eragin artistikoa | Sorkuntza artistikoa | Forma | Lan-prozesua | Sinbologia | Frantzia | Paris | Venus | Marie-Thérèse Walter | Amatasuna
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Picasso, Pablo
“Bainularien” gaia hainbat unetan ageri da Picassoren obran. Haren ibilbidean zehar, besteak beste hondartza-eszena kubistak, neoklasikoak eta surrealistak daude. Boisgeloupen, Picassok eskulturaren bidez berritu zuen gaia, gorputza askatuz eta 1927an Cannesen egin zituen marrazkiak hiru dimentsiotara eramanez. Bainulari honek Lespugueko Venusa ekartzen du gogora; Venus hori emankortasunaren idolo bat izan zen historiaurrean, eta Picassok haren bi kopia zituen; jatorrizko figura 1922an topatu zuten, eta Parisko Historia Naturaleko Museoari eman zioten dohaintzan 1924an.
Picassok “forma femeninoen muina, guztiaren jatorria” ikusten zuen mamut-marfilez landutako Venus txiki hartan. Garai hartan Picassoren bikotekidea zen Marie-Thérèse Walter, berriz, kirolari eta igerilari trebea zen, eta horrek liluratuta zeukan artista. Hori dela-eta, Picassok Venus arkaikoaren forma erabili zuen Venus garaikidea bainulari gisa irudikatzeko.
Obra hau izan zen Picassok Errepublikaren Pabilioian aurkeztu zuen brontzezko obra bakarra. Gainerako guztiak zementuzkoak izan ziren. Valsuani galdategia aurrean duzun jatorrizko igeltsu honetatik abiatu zen 1937ko Erakusketa Unibertsalean ikusgai jarritako pieza burdinurtua sortzeko.