Picasso eskultore. Materia eta gorputza
3. Emakume-burua (Fernande), 1909ko udazkena
5. Figura: Guillaume Apollinaireren omenezko monumentu baterako proiektua, 1928ko udazkena
Iruzkinak
4. Burua, 1928ko urria
- Izenburua:
- 4. Burua, 1928ko urria
- Erakusketa:
- Picasso eskultore. Materia eta gorputza
- Gaiak:
- Emakumea artean | Giza gorputza | Artearen historia | Eragin artistikoa | Ibilbide artistikoa | Sorkuntza artistikoa | Kolorea | Lan-prozesua | Tamaina | Espainia | Julio González | Teknika eta materialak
- Mugimendu artistikoak:
- Kubismoa
- Artelan motak:
- Eskultura
- Aipatutako artistak:
- Picasso, Pablo
1928ko urrian, Picassok Burua izeneko eskultura txiki bat sortu zuen altzairuzko tripode batean soldatu, margotu eta bermatutako disko bat eta eraztun bat erabiliz. Piezak lotura du garaiko beste margolan eta marrazki batzuekin; adibidez, artistak 1928an ondutako Pintorea eta modeloa koadroan ageri den pintorearen beraren buruarekin.
Buruak bi profil elkartzen ditu: garezur biribildua, sudur triangeluarra eta aurpegi laua dauzkate biek ere, eta gora begira dagoen gezi-formak zatituriko espazio estuan trinkotuta ageri dira. Disko lauak bi kolore ditu eta metalezko eraztun bat dauka soldatuta, zuriz margotua buruaren alde beltzaren gainean eta, beltzez, alde zuriaren gainean. Diskoari eusten dion tripodeak pintorearen gorputz gisa dihardu.
Begiak geziaren puntan ageri dira, bata bestaren gainean; ahoa eta hortzak, berriz, geziaren hagaxka edo zotzaren barruan daude. Eskultura ñimiño hau Picassoren eta Julio González eskultorearen arteko elkarlanaren lehen emaitza izan zen. Picassok laguntza eskatu zion Gonzálezi, hark behar bezalako ezagutza teknikoak baitzituen Picassoren eskultura-proiektuetako batzuk burutu ahal izateko.