Picasso eskultore. Materia eta gorputza
10. Emakume hostoduna, Boisgeloup, 1934
12. Bainulariak saila, Cannes, 1956ko uda
Iruzkinak
11. Picassoren eskuineko eskua, 1937
- Izenburua:
- 11. Picassoren eskuineko eskua, 1937
- Erakusketa:
- Picasso eskultore. Materia eta gorputza
- Gaiak:
- Giza gorputza | Artistak | Eragin artistikoa | Ibilbide artistikoa | Sorkuntza artistikoa | Lan-prozesua | Eskulturagintza | Frantzia | Teknika eta materialak
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Picasso, Pablo
Esku-ahur bat irudikatzen duen piezaren aurrean zaude; eskua irekia dago, norbaitek aztertzeko prest balego bezala. Bost hatzak luzatuak daude, haien artean tarterik utzi gabe; eskua, beraz, azalera jarraitu bat da, formak, hatz-markak, marrak, tolesturak eta uhinak arakatzeko aukera ematen duena. Artistak inpresio bidezko teknika erabili zuen xehetasun horietan errealismoa lortzeko.
Picassok berak deskribatu zuen metodoa 1933an: esku-ahurra material heze eta malgu baten gainean jarri zuen eta, materiala lehortu zenean, eskuak utzitako arrastoa erabili zuen molde gisa; igeltsua bota zuen bertan eta, horrela, materialaren aztarna negatiboa irudi positibo bihurtu zuen, hiru dimentsioko objektu independentea.
1949an, Brassaïk argazkiak egin zizkion Picassoren eskuin eskuaren eskulturari Les Sculptures de Picasso liburuaren azalerako. Liburuan, artistak ordura arte ondutako eskultura-lanen xehetasun guztiak nabarmentzen ziren. Picassoren eskua tamaina errealean erreproduzitua da, baina, argazkiak egitean, Brassaïk ez zuen dudarik izan beste pieza batzuen eskalarekin jokatzeko. Horrela, obra bakoitzaren xehetasunak eta indarra publikoari helaraztea lortu zuen, bai eta argi-itzalen joko kontrastatua ere, piezak Picassok nahi zuen monumentaltasunez jantzirik.
Atal honetan, artista malagarrak ondutako esku eta begi batzuk ditugu. Begien kasuan, Picassok egindako hiru proposamen ezberdin daude hemen ikusgai, eta guztiek ere Antzinaro klasikoko hainbat unetara garamatzate, historiak artistaren eskultura-lanean izan zuen eraginaren erakusgai.