Picasso eskultore. Materia eta gorputza
12. Bainulariak saila, Cannes, 1956ko uda
14. Emakume-burua (Dora Maar), 1941
Iruzkinak
13. Emakumea zutik, Boisgeloup, 1930eko udazkena
- Izenburua:
- 13. Emakumea zutik, Boisgeloup, 1930eko udazkena
- Erakusketa:
- Picasso eskultore. Materia eta gorputza
- Gaiak:
- Emakumea artean | Giza gorputza | Eragin artistikoa | Sorkuntza artistikoa | Konposizioa | Tamaina | Frantzia | Alberto Giacometti | Julio González | Teknika eta materialak
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Picasso, Pablo
1930ean, Picassok zurez landutako estatuatxo altu eta mehez osaturiko sail bat sortu zuen. Hura bat-bateko norabide-aldaketa izan zen Julio Gonzálezekin lankidetzan egindako aurreko lanaren aldean. Kasu honetan, Boisgeloupen aurkitutako zurezko bastidore-zatiak eta adarrak erabiliz, emakume lirainez osaturiko armada txiki bat moldatu zuen.
Antzinaroan egiten ziren brontzezko botozko estatua txikiak gogora ekartzean (arte etruskoa, bereziki), ikusten da Picassok aurre egin ziela aurkitutako materialek ezartzen zizkioten mugei. Elementuak zakarki mihiztatu ordez, izei-zura landu zuen arretaz eta zehaztasunez bost irudi sotil eta tente hauek sortzeko. Haietako bakoitzak xehetasunak ditu besteen artetik bereizteko, eta xehetasun horiek nortasun jakin bat ematen diote bakoitzari multzo dinamikoaren barruan.
Mugatua bada ere, iruditxo talde honek eragin handia izan zuen Alberto Giacometti eskultorearengan. Giacomettik 1931n ezagutu zuen Picasso, eta trukaketa intelektualak izan zituzten 20 urtean zehar. Bi artistek mirespena agertu zioten elkarri, baina mirespen hura belztu egin zen bien arteko adiskidantza bat-batean hautsi zenean.