Picasso eskultore. Materia eta gorputza
1. Sarrera
3. Emakume-burua (Fernande), 1909ko udazkena
Iruzkinak
2. Dama eskaintzailea, 1933ko uda
- Izenburua:
- 2. Dama eskaintzailea, 1933ko uda
- Erakusketa:
- Picasso eskultore. Materia eta gorputza
- Gaiak:
- Emakumea artean | Giza gorputza | Artistak | Eragin artistikoa | Ibilbide artistikoa | Sorkuntza artistikoa | Sinbologia | Tamaina | Espainia | Frantzia | Paris | Venus | Teknika eta materialak
- Mugimendu artistikoak:
- Abangoardia
- Teknikak:
- Argizari galduko galdaketa
- Artelan motak:
- Eskultura
- Aipatutako artistak:
- Picasso, Pablo
Dama eskaintzailea eskulturarik nabarmenetako bat da artistak ondutako lan ugarien artean. Dama eskaintzailea jatorriz igeltsuzkoa zen, eta pieza hau jatorrizko hartan oinarriturik sortutako bi brontzeetako bat da. Obraren zementuzko alea, egun desagertua dagoena, Espainiako Pabilioiaren kanpoaldean aurkeztu zuten Parisko 1937ko Nazioarteko Erakusketan. Erakusketa hartan, urte hartan bertan margotutako Guernica ere egon zen ikusgai.
Lan honetan begi bistakoa da Picassok historiaurreko eskulturarekin zuen harremana, bereziki, Despeñaperroseko exvoto iberiar txikiekin. Exvoto horiek liluratuta zeukaten Picasso, eta artistak haien bilduma egin zuen. Hemen ikusgai dagoen lana bat dator emankortasunaren benetako sinbolo ziren historiaurreko Venus gisako horien izaera sinbolikoarekin. Figura haiek, denboraren poderioz apurtuz ere joan zaizkien gorputz desitxuratu eta guzti, liluratu egin zuten Picasso, eta tamaina monumentalean proiektatu nahi izan zituen bere eskulturan.
1972tik 1973ra, Dama eskaintzailearen brontzezko bi kopia egin zituzten Valsuani galdategian; eta suntsitu egin zuten artistak bere Boisgeloupeko tailerrean 1933an igeltsuz egindako jatorrizko bertsioa, kopia gehiagorik egin ez zedin. Picasso hil eta hamar egunera, pieza horietako bat bere hilobian jarri zuten. Hilobia Vauvenarguesko gazteluan dago, Frantzian. Reina Sofía museoan dagoen bertsioa 1985ean iritsi zen Madrilera aldi baterako erakusketa baterako, eta behin betirako gelditu zen, Guernicarekin batera.