Picasso eskultore. Materia eta gorputza
13. Emakumea zutik, Boisgeloup, 1930eko udazkena
15. Burezurra (Hildako baten burua), Paris, 1943ko maiatza
Iruzkinak
14. Emakume-burua (Dora Maar), 1941
- Izenburua:
- 14. Emakume-burua (Dora Maar), 1941
- Erakusketa:
- Picasso eskultore. Materia eta gorputza
- Gaiak:
- Emakumea artean | Eragin artistikoa | Ibilbide artistikoa | Sorkuntza artistikoa | Erretratua eta autorretratua | Nazismoa | Frantzia | Paris | Julio González | Dora Maar | Teknika eta materialak
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Picasso, Pablo
1941ean sortu zuen Picassok emakume-buru hau Parisko rue des Grands Augustins kaleko estudioan. Artistak, bere eskulturetako asko eramanak zituen bertara, bai Boisgeloupetik, bai Valsuani galdategitik, nazien okupazio garaian obrak babesteko.
Eskultura-baso haren erdian, Picassok Dora Maar artista izan zuen lagun, bere neska-laguna izan baitzen garai hartan. Picassok sufrimenduaren irudikapenarekin lotu izan zuen Dora Maar, baina eskultura honetan emakumea baretasun ia estoikoz dago irudikatuta.
Hasieran, Picassok igeltsuz landu zuen burua, eta kapela bat ere jarri zion. Dena den, gerra ondoren burua brontzetan urtu baino lehen, kapela kentzea erabaki zuen. Lanaren erreprodukzio goiztiarretan kapelak eginkizun esanguratsua betetzen zuen; izan ere, haren tamaina eta forma eraldatu egiten ziren, igeltsuzko buruari zer angelutatik begiratzen zitzaion.
Pieza honen brontzezko lau edizio egin ziren, eta, haietako bat, 1959koa, Guillaume Apollinaire poetaren omenezko monumentu gisa erabili zen, Saint-Germain-des-Prèsko elizatik hurbil. Picassok beste izen bat eman zion: Poesia. Dena den, azkenean ez zen Apollinaireren hilobian jarri, ordurako Serge Férat pintoreak egindako hilarri batekin apaindua baitzegoen.
Emakume-buru hau Dora Maarren busto monumentala da eta Antzinaroaren erreferentzia argiak erakusten ditu; bestalde, nabarmen bereizten da Julio Gonzálezek lagundurik Picassok 1928an sortutako alanbre soldatuzko eraikuntzetatik.