Picasso eskultore. Materia eta gorputza
6. Emakume-burua, Boisgeloup, 1931
8. Bainularia, Boisgeloup, 1931
Iruzkinak
7. Emakume-burua, Boisgeloup, 1931Emakume-bustoa, Boisgeloup, 1931
- Izenburua:
- 7. Emakume-burua, Boisgeloup, 1931Emakume-bustoa, Boisgeloup, 1931
- Erakusketa:
- Picasso eskultore. Materia eta gorputza
- Gaiak:
- Emakumea artean | Giza gorputza | Artistak | Eragin artistikoa | Ibilbide artistikoa | Sormena | Bolumena | Kolorea | Lan-prozesua | Espainia | Marie-Thérèse Walter | Teknika eta materialak
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Picasso, Pablo
1930eko udazkenean, Picasso tamaina handiko igeltsuzko eskulturak modelatzen hasi zen Normandiako Boisgeloup herrian erosi berria zuen gazteluko estudioan. Han, modelatzearen teknikari berrekin zion figurak zizelkatzeko, bere ibilbidearen hasieran zeramikarekin egin zuen antzera. Teknika hori Paco Durrio euskal artistarengandik ikasi zuen, zeina laguntza handia izan baitzen malagarrarentzat Parisera iritsi zenean.
Bi emakume-busto hauek eta Boisgeloupeko aldian ondutako beste eskultura batzuk hungariar jatorriko Brassaï argazkilariak ateratako irudiei esker ezagutu ziren, Minotaure aldizkariaren lehen zenbakian eman baitziren argitara, 1933an. Brassaïren argazkiek Picassoren sormen-eremuaren itxitasun-giro goxoa zaintzen zuten, eta kanpoko mundura atera zuten; horrek ikusmin handia sortu zuen artistaren lan berriaren inguruan. Eskultura handi haiek igeltsu zuriz ondu zituen, material hori aise topatzen baita eremu hartan; beraz, Apollinaireren monumenturako maketetan erabili zituen metalezko hagaxken guztiz kontrakoa ziren lan haiek eta, horregatik, harridura eragin zuten publikoarengan.
Emakume-busto hauek Marie-Thérèse Walterren hazpegi bereizgarriak dituzte, eta Picassok igeltsuz ondu zituen lehenbizi. Dena dela, handik gutxira, 1937an hain zuzen, eskultura haiek zementuz egitea erabaki zuen, eta ale horiexek dira hemen ikusgai daudenak. Agian obren jomugak eragina izan zuen material horren aukeraketan, izan ere, lanak Espainiako Pabilioian jarri baitziren ikusgai, Parisko 1937ko Nazioarteko Erakusketan. Zementua egokiagoa zen bizitza modernoari eta teknologia berriei eskainitako azoka hartarako, bai eta Josep Lluís Sertek eta Luis Lacasak diseinatu zuten espazio soil eta abangoardista hartarako ere.