Picasso eskultore. Materia eta gorputza
2. Dama eskaintzailea, 1933ko uda
4. Burua, 1928ko urria
Iruzkinak
3. Emakume-burua (Fernande), 1909ko udazkena
- Izenburua:
- 3. Emakume-burua (Fernande), 1909ko udazkena
- Erakusketa:
- Picasso eskultore. Materia eta gorputza
- Gaiak:
- Emakumea artean | Artistak | Eragin artistikoa | Ibilbide artistikoa | Esperimentazio artistikoa | Forma | Lan-prozesua | Mugimendua | Perspektiba | Espainia | Katalunia | Teknika eta materialak
- Mugimendu artistikoak:
- Kubismoa
- Artelan motak:
- Eskultura
- Aipatutako artistak:
- Picasso, Pablo
Picassok Parisen ondu zuen Emakume-burua, 1909ko udan Fernande Olivier neska-lagunarekin batera sorkuntza-lan emankorrean aritu ondoren Kataluniako Horta de Ebro herrian, hau da, gaur egun Horta de Sant Joan izenez ezagutzen den herrian. Uda hartan bere modeloari buruz sortutako marrazki eta pinturak akuilu izan zitzaizkion bere lehen eskultura kubista formulatzeko, Fernanderen burua, alegia.
Artelana osatzen duten aldeek eta hutsarteek pieza angelu guztietatik aldi berean ikusi ahal izatea ahalbidetzen dute eta, hala, konposizioa ikuslearen perspektibaren arabera aldatzen da. Eskultura honetan, lepoa bihurtua duela ageri da Fernande, eta zertxobait inklinatuta; mugimendu horrek dinamismoa ematen dio obrari. Izan ere, buruaren posizio horrekin, badirudi Fernande sorbaldaren gainetik begiratzeko zorian dagoela, eta horrek are mugimendu eta intentsitate handiagoa ematen dio piezari.
Picassok, hasieran, buztinez egin zuen eskultura hau, eta gero, igeltsuzko bertsioan doikuntza batzuk egin ondoren, brontzetan urtu zuen. Prozesuan zehar, buruaren formak eta angeluak nabarmendu zituen eta, ondorioz, galdu egin ziren hasierako buztinezko modeloak zituen ezaugarrietako batzuk.