Picasso eskultore. Materia eta gorputza
19. Sylvette, Vallauris, 1954
21. Emakumea besoak zabalik, Cannes, 1961
Iruzkinak
20. Emakumea eta haurra, Cannes, 1961 hasiera
- Izenburua:
- 20. Emakumea eta haurra, Cannes, 1961 hasiera
- Erakusketa:
- Picasso eskultore. Materia eta gorputza
- Gaiak:
- Emakumea artean | Giza gorputza | Eragin artistikoa | Sorkuntza artistikoa | Sormena | Bidimentsionaltasuna | Konposizioa | Amatasuna | Teknika eta materialak
- Mugimendu artistikoak:
- Espresionismoa
- Artelan motak:
- Eskultura
- Aipatutako artistak:
- Picasso, Pablo
Picassoren lagun batek, Lionel Prejger gazteak, negozio bat erosi zuen, eta Joseph-Marius Tiola metalgilea langile buru hasi zen bertan. Picasso, ordurako, Tiolarekin lan egina zen. Eraispen- eta txatarra-enpresa zen hura, eta bertan objektuak biltzea gustatzen zitzaion Picassori bere ensanblajeak egiteko.
Artistak txapa metalikozko eskulturak sortzeko erabiltzen zuen prozesuaz mintzatu zen Prejger. Picassok paperezko ebakinekin egiten zituen probak; Prejgerek ebakin horiek artistaren estudioan bildu eta tailerrera eramaten zituen, bere langileek metalez erreproduzitu zitzaten. Honakoa gaineratu zuen: "Picassok nekez egiten du marrazkirik; esku batean papera hartzen du eta guraizeak bestean, eta mozten hasten da, besterik gabe… Gero, zereginik garrantzitsuena hasten du: tolestaketa. Tolesak dira, hain zuen, argi-jokoa eragiten dutenak eskultura bukatuan”.
Eskulturek akatsik bazuten, berriz hasi beharra zegoen, harik eta Picassok eskatu bezalaxe egon zitezela lortu arte. Behin bukaturik, Prejgerren artisauek eskulturak kolore bakarrean margotzen zituzten, edo margotu gabe uzten, Picassok agindutakoaren arabera. Artistak, gero, behar ziren margo eta marrazkiarekin osatzen zituen, bere ikuspegi artistikoari jarraikiz.
Zera esaten omen zion Picassok Preignerri: "Denbora luzean izan dudan anbizio bat betetzen ari naiz, hau da, hor barna dauden paperezko zati hauei guztiei forma iraunkorra ematea”.
Emakumea eta haurra lan hau areto honetan bertan ikusgai dagoen Sylvette eskultura baino landuagoa dago metalezko txaparen ebakinei eta tolesdurei dagokienez; Sylvette lanean, Picassok marrazkia erabili zuen hein handiagoan. Emakumea eta haurra piezan, margoak metalezko euskarri osoa estaltzen du, mihise baten inprimatzea balitz bezala; bestalde, erakusketako beste areto batean ikusi dugun igeltsuzko Emakumea haurdun eskulturan bezala, Picassok xehetasun anatomiko txikiak margotu zituen hemen ere. Emaitza bidimentsionalitatea eta tridimentsionalitatea bikain uztartzen dituen maisulana da, bitarteko gutxiren bidez, metalaren tolesdurekin eta ebakiekin argiak eta itzalak sortzen dituena.