Picasso eskultore. Materia eta gorputza
8. Bainularia, Boisgeloup, 1931
10. Emakume hostoduna, Boisgeloup, 1934
Iruzkinak
9. Buru kaskoduna, Boisgeloup, 1933
- Izenburua:
- 9. Buru kaskoduna, Boisgeloup, 1933
- Erakusketa:
- Picasso eskultore. Materia eta gorputza
- Gaiak:
- Giza gorputza | Artistak | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Materialak | Perspektiba | Sinbologia | Testura | Frantzia | Teknika eta materialak
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Picasso, Pablo
Litekeena da lan hau Picassoren “eskultura entziklopedikoen” arteko lehena izatea. Izendapen hori artistaren eskultura-lanetan aditu handia den Werner Spies jaunak asmatua da. Artistak bere ibilbideko hainbat etapatan arakatu zuen mota horretako piezak egiteko metodoa, eta metodo hura Picassok berak azaldu zuen Brassaï argazkilariarekin hizketan. Eskultura horietan, Picassok benetako objektuak eta materialak uztartzen zituen, eta igeltsu-zatiak ere erabiltzen zituen; modu horretara, modelatuaren eta ensanblajearen teknikak uztartzen zituen.
Buru kaskoduna gerlari baten burua da, hemen brontzezko bertsioan ageri zaiguna, eta bertan, Antzinaro klasikora garamatzan motots ikusgarri bat da nabarmentzekoa. Obra honen igeltsuzko bertsioan, Picassok hainbat objekturekin esperimentatu zuen, hala nola hodi, oilategi-sare, iltze, palanka eta tenis-pilotekin, baina baita materialean testurak inprimatzearekin ere. Testura horiek, halaber, zenbait forma moldeatzetik sortu ziren. Horren adibide da, esaterako, oinarria, kartoizko kaxa bat erabiliz sortutakoa.
Sudur handiak eta galdorrak profil zeharka ezina osatzen dute, eta elkarrengandik hain ezberdinak diren aurpegiaren bi aldeen aurrean, huraxe da obraren angelurik erakargarriena, aretoko pareten kontra nabarmendua.
Gerlariaren figura Picassoren garai hartako beste proiektu batzuekin ere lotzen da, adibidez Suite Vollard sailean egin berria zuen lanarekin, hain zuzen ere Aristofanesen Lisistrata komedia klasikorako ondu zituen ilustrazioen aurretik.