Picasso eskultore. Materia eta gorputza
11. Picassoren eskuineko eskua, 1937
13. Emakumea zutik, Boisgeloup, 1930eko udazkena
Iruzkinak
12. Bainulariak saila, Cannes, 1956ko uda
- Izenburua:
- 12. Bainulariak saila, Cannes, 1956ko uda
- Erakusketa:
- Picasso eskultore. Materia eta gorputza
- Gaiak:
- Giza gorputza | Artelanak | Eragin artistikoa | Ibilbide artistikoa | Sorkuntza artistikoa | Konposizioa | Hondakinak | Sinbologia | Itsas paisaia | Frantzia | Teknika eta materialak
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Picasso, Pablo
Cannesko La Californie etxean kokatua zegoenean, Picassok aurkitutako objektuak erabili zituen berriz, eta eskultura-multzo monumental bat sortu zuen: Bainulariak. Gai hori Picassoren obran behin eta berriz agertzen bada ere hasiera-hasieratik, sei eskultura hauek egiterakoan, Henri-Georges Clouzot zinemagilearen 1955eko “Picassoren misterioa” filmerako ondu zituen sorkuntza-lanak izan zituen artistak inspirazio-iturri; bereziki, hondartzako bizitza aktiboaren panorama handi bat erakusten zuen koadro bat. Frantziako Antibes herrian oporretan zegoela ikusten zituen bainulariek proiektatutako itzalek liluraturik, artistak silueta sinplifikatudun figura arketipiko hauek sortu zituen.
Sei eskulturon brontzezko bertsioak daude ikusgai hemen; hasieran, erratz-makilak, marko zaharrak, altzari-puskak eta txatartegietan zein hondakindegietan aurkitutako objektuak erabili zituen Picassok haiek sortzeko. Sei figuretako bakoitzak bere izaera du, eta zeinek bere bainujantzia, aurpegia, sexu-organoak eta gainerako xehetasunak ditu bereizgarri. Picassok “Urpekaria”, “Gizona eskuak elkartuta”, “Iturri-gizona”, “Mutikoa”, “Emakumea besoak zabalik” eta “Gizon gaztea” izenak eman zizkien. Badirudi piezek elkarren arteko lotura dutela, itsas kode bat osatuko balute bezala, eta artistak berak ezarria da figura bakoitzaren besoen antolaera.
Hondartza-eszena garaikide batean dauden forma sinplifikatuko txotxongilo erraldoien antzera, Bainulariek gogora dakarte Picassok bere lehen obren ensanblaje kubistan agertzen zuen muin hura, eta eguneratu egiten dute. Eskultura hauek espiritu ludiko eta desafiatzailea ematen dute aditzera, eta aurkitutako elementuak eta artistaren sormena uztartzen dituzte bizimodu modernoaren funtsa eta Picassoren adierazpen artistikoa gorpuzten dituzten pertsonaia bereziak hezurmamitzeko.