Picasso eskultore. Materia eta gorputza
17. Emakumea haurdun (bigarren urratsa), Vallauris, 1959
19. Sylvette, Vallauris, 1954
Iruzkinak
18. Neskatoa soka-saltoan, Vallauris, 1950–54
- Izenburua:
- 18. Neskatoa soka-saltoan, Vallauris, 1950–54
- Erakusketa:
- Picasso eskultore. Materia eta gorputza
- Gaiak:
- Emakumea artean | Giza gorputza | Eragin artistikoa | Ibilbide artistikoa | Sorkuntza artistikoa | Sormena | Lan-prozesua | Hondakinak | Frantzia | Françoise Gilot | Teknika eta materialak
- Mugimendu artistikoak:
- Espresionismoa
- Artelan motak:
- Eskultura
- Aipatutako artistak:
- Picasso, Pablo
Françoise Gilotek bere Vivre avec Picasso liburuan kontatu zuenez, Neskatoa soka-saltoan izeneko lan honekin Picassok bere ametsa bete zuen, hau da, lurra ukitzen ez zuen eskultura bat sortzea. Soka-saltoan ari zen neskato bat behatzen ari zela etorri zitzaion inspirazioa. Pieza egiteko, oinarri laukizuzen bat eraikitzeko agindua eman zuen Vallaurisko burdindegi batean. Oinarri horretatik burdinazko hodi kurbatu bat altxatzen da, metro bateko altuerakoa, gutxi gorabehera, eta sokak lurra ukitzean duen forma imitatzen du. Sokaren muturrek neskatoaren figurari eusten diote.
Eskulturari arretaz begiratzen badiogu, mailaka aurkituko ditugu Picassok obra sortzeko erabili zituen objektuetako batzuk. Besteak beste, zumezko saski bat, gozogintza-molde bat, bonboi-kutxa bat, bai eta zapata handi batzuk ere, neskatoaren oinetan alderantziz jarrita. Planteatu daiteke jolas-eszena hutsa ote den edo irakurketa sakonagoa ote duen, sugea oinarrian kokatua baitago gona ñimiñotik ateratzen diren haur-hanka sotilen azpian: gona airean izoztuta egon zitekeen, saltoaren ondorioz. Ilea eta xingolak xehetasunez zainduak daude; eskuak, berriz, zuzenean ateratzen dira gorputz-enborretik sokari gogor heltzeko; sokak ia pertika batek bezala dihardu eta espazioan proiektatzen laguntzen dio.