Hilma af Klint
Biografia laburra
Marrazki espirituala, Bostak (Spiritistisk teckning, De Fem), ca. 1903
Iruzkinak
Obra goiztiarraHilma Af Klint, Udako paisaia, 1888
- Izenburua:
- Obra goiztiarraHilma Af Klint, Udako paisaia, 1888
- Erakusketa:
- Hilma af Klint
- Gaiak:
- Emakumea artean | Artearen historia | Artistak | Eragin artistikoa | Ibilbide artistikoa | Sorkuntza artistikoa | Kolorea | Konposizioa | Perspektiba | Paisaia | Stockholmeko Arte Ederren Errege Akademia | Stockholm | Suedia
- Artelan motak:
- Pintura
- Aipatutako artistak:
- Af Klint, Hilma
Hilma Af Klintek 1888an margotu zuen Udako paisaia, Stockholmeko Arte Ederren Errege Akademian ikasketak amaitu eta gutxira. Formazio tradizionala jaso zuen bertan, ardatz gisa harturik marrazkigintza eta paisaien, natura hilen eta erretratuen margolaritza. Titulua lortu ondoren, akademiak estudio bat ipini zion eskura Stockholmeko eszena artistikoaren epizentroan.
Udako paisaia obrak erakusten du Af Klintek ongi menderatzen zituela konposizio klasikoa, perspektiba eta itzaleztadura, denak ere akademia garaian ikasiak. Kolorearen erabilerak eta pintzelkadek inpresionismo frantsesa gogorarazten dute, eta horrek iradokitzen du ezagutzen zituela mugimendu artistiko garaikideak eta bere garaiko joerak.
Akademian eman zuen denboran, Af Klint eta bere ikaskide Anna Cassel adiskide min bihurtu ziren, eta denbora luzea eman zuten elkarrekin suediar uharteetan margotzen. Udako paisaia da bien artean lorturiko elkarrizketa artistikoaren lehen adibideetako bat. Hain justu, badirudi Casselen Landa-bidea eta mutikoa, Adelsö obrari emaniko erantzuna dela. Casselek urtebete lehenago margotu zuen bere koadroa, eta antzeko uharte-paisaia ikusten da bertan.
Af Klintek Udako paisaia bezalako lanak ikusgai jartzen eta saltzen jarraitu zuen 1914 ingurura arte. Urte hartarako, utziak zituen neurri handi batean irudikapen-metodo konbentzionalak eta sistema artistiko nagusia.