Hilma af Klint
Eros saila, WU/Arrosa saila
Eros saila, WU/Arrosa saila, II multzoa (Erosserien, Serie WU/Rosen, Grupp II), 5 zk., 1907
Zazpi puntako izarra, WUS/Zazpi puntako izarra saila
Iruzkinak
Figura-pintura handiak, WU/Arrosa saila Figura-pintura handiak, WU/Arrosa saila, III multzoa (De stora figurmälningarn, Serie WU/Rosen, Grupp III), 4 zk., 1907
- Izenburua:
- Figura-pintura handiak, WU/Arrosa saila Figura-pintura handiak, WU/Arrosa saila, III multzoa (De stora figurmälningarn, Serie WU/Rosen, Grupp III), 4 zk., 1907
- Erakusketa:
- Hilma af Klint
- Gaiak:
- Emakumea artean | Artearen historia | Eragin artistikoa | Ibilbide artistikoa | Sorkuntza artistikoa | Geometria | Espirala | Kolorea | Konposizioa | Sinbologia | Bostak emakume-kluba | Espiritualtasuna | Arrosagurutzea Ordena | Dualtasuna | Alkimia
- Mugimendu artistikoak:
- Arte Abstraktua
- Artelan motak:
- Pintura
- Aipatutako artistak:
- Af Klint, Hilma
Honako hau 1907ko Figura-pintura handiak multzoko laugarren margolana da. Bertan, itxura androginoa duten lau irudi mistiko ageri dira argitasunetik ateratzen, naturaz gaindiko plano batetik baletoz bezala. Badirudi aurreko irudi argitsua bitan banatu dela maskulinotasunaren eta femeninotasunaren arteko bereizketa islatzeko. Hori koloreko figura maskulinoa belauniko ageri da ezkerrean. Urdin koloreko irudi femeninoa, aldiz, eskuinean dago, eserita. Eman dezake maskulinotasunaren eta femeninotasunaren arteko bereizketa erabatekoa dela, baina biek lotuta jarraitzen dute emakumeak eskuan duen bihotzetik sortzen den zirkulazio-sistema gorriaren bidez.
Sailak aurrera egin ahala, irudiak eboluzionatuz doaz, eta Af Klinten lehen marrazki automatikoetan ageri zirenen tankerako hainbat forma, silueta eta sinbolo agertzen hasten dira, hala nola lerro espiralak eta diagonalak, lore-formak, eta biologia eta botanika gogorarazten dituzten motiboak. Espiralak behin eta berriz agertzen dira artistaren obran. Hain zuzen, espiral itxurako tenplu bat imajinatu zuen bere pintura-ziklo osoa bertan jartzeko. Sail honetako azken mihisean kristau-memorial bat agertzen zaigu, erdian arrosa bat duen gurutze batekin: arrosa-gurutzeei eginiko erreferentzia bat da, Elizaren dogma zurrunaren aurka zeuden kristauek XVII. mendean sortutako ordena sekretuari, alegia. Ordena hura jakintza alkimikoarekin lotuta zegoen, eta arrosa-gurutzea zen haren ikurra. Arrosa-gurutzearen eragina ondo dokumentatuta dago Af Klinten koaderno, margolan eta tituluetan.
Figura-pintura handiak multzoari dagokionez, hauxe idatzi zuen Af Klintek: [Af Klintek berak kontatuko balu bezala] “Koadroak zuzenean margotu nituen, aldez aurreko marrazkirik gabe eta intentsitate handiz. Ez nuen arrastorik ere irudiek zer irudikatzen ote zuten; hala ere, azkar eta segurtasunez lan egin nuen, pintzelkada bakar bat ere aldatu gabe”.