Hilma af Klint
Eboluzioa, WUS/Zazpi puntako izarra saila
Eboluzioa, WUS/Zazpi puntako izarra saila, VI multzoa (Evolutionen, Serie WUS/Sjustjärnan, Grupp VI), 15 zk., 1908
Usoa, UW saila, IX/UW multzoa
Usoa, UW saila, IX/UW multzoa (Duvan, Serie UW, Grupp IX/UW), 1 zk., 1915
Iruzkinak
Hamar nagusiak, Titulurik gabea saila, IV multzoaHamar nagusiak, Haurtzaroa, Titulurik gabea saila, IV multzoa (De tio största, Barnaåldern, Saknar seriebeteckning, Grupp IV), 1 zk., 1907
- Izenburua:
- Hamar nagusiak, Titulurik gabea saila, IV multzoaHamar nagusiak, Haurtzaroa, Titulurik gabea saila, IV multzoa (De tio största, Barnaåldern, Saknar seriebeteckning, Grupp IV), 1 zk., 1907
- Erakusketa:
- Hilma af Klint
- Gaiak:
- Emakumea artean | Artearen historia | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Forma | Geometria | Kolorea | Konposizioa | Simetria | Sinbologia | Eskala | Bostak emakume-kluba | Espiritualtasuna | Bizitza | Suedia | Dualtasuna | Alkimia
- Mugimendu artistikoak:
- Arte Abstraktua
- Teknikak:
- Tenpera
- Artelan motak:
- Pintura
- Aipatutako artistak:
- Af Klint, Hilma
1931ko koaderno batean, Af Klintek honakoa idatzi zuen 1907an pintura-multzo hau egiteko jaso zituen jarraibideei buruz: [Af Klintek berak kontatuko balu bezala] “Kontua ez zen Misterioen Jaun Gorenei itsu-itsuan obeditzea, baizik eta beti nire ondoan edukiko nituela imajinatzea”. Hau ere idatzi zuen: “Hamar margolan zoragarri egiteko agindu zidan, zein baino zein ederragoak; margolanek kolore hezigarriak izan behar zituzten, eta modu neurritsuan erakutsi behar zizkidaten nire sentimenduak […] Gidariek adierazitako esanahiak gizakiaren bizitza-sistema ikusarazi bide zion munduari […]”.
Hamar nagusiak saileko margolanek eskala monumentala dute. Oso ezohikoa zen hori garai hartako artelanetan. Hondo urdineko lehenengo biek haurtzaroa irudikatzen dute. Af Klinten obran, behin eta berriz agertzen dira arrosak eta liliak, printzipio maskulino eta femeninoen dualtasuna sinbolizatzen duten motiboak. Horia aszetismoari eta printzipio maskulinoari dago lotuta; urdina, berriz, birjina vestaleei eta printzipio femeninoari. Laranja eta urdin koloreko zirkulu handiek antzeko sinbolismoa dute.
Sailak gaztarorantz aurrera egin ahala, dinamikoago bihurtzen dira margolanak, laranja koloreko hondo biziekin. Espiralek eta maskorrek bilakaera espirituala irudikatzen dute; forma oboideek, hasiera. Arrosa koloreak, berriz, kosmosaren sorkuntzari lotu ohi zaion Eros jainkoarekin du zerikusia, hau da, maitasunaren jainkoarekin.
Hondo morea duten pinturek helduaroaren faseak irudikatzen dituzte. Lehenengoaren goiko aldean, bost petaloko lore arrosa handi bat ageri da. Artistak sail hau egin zuen urteko, hau da, 1907ko zirriborro-koaderno batean Bostak taldea osatzen zuten artisten izenak ageri dira, bost petaloko arrosa honen antzeko lore batean ageri ere. Baliteke petaloek lurra, sua, airea, ura eta kintesentzia delakoa sinbolizatzea, hau da, existentziaren parterik funtsezkoenen kontzentrazioa. Alkimian, filosofoen harriarekin lotzen da kintesentzia.
Helduaroari eskainitako bigarren pinturan, letra-konbinazio ugari daude. Artistaren oharren arabera, “u” letrak espiritua irudikatzen du, eta “w” hizkiak, berriz, materia. Multzo horretako hirugarren koadroan “vestalasket” hitza ageri da (hau da, aszeta vestalea), printzipio maskulino eta femeninoen konbinazio bat. Laugarren pinturak, aldiz, urdinaren eta horiaren arteko interakzioa du ardatz: printzipio femeninoa eta maskulinoa, hurrenez hurren.
Zahartzarora iristean, forma organiko alaien ordez konposizio soilagoak baliatu zituen artistak, forma simetriko eta geometrikoekin. Lehen margolanaren goiko aldeko espiral hori eta urdinek konpasarekin eginak dirudite; azpian, almendra-itxurako forma bat ageri da gainjarritako esferen erdian. Eite hori vesica piscis gisa ezagutzen da, eta batasunerako eta osotasunerako progresioa sinbolizatzen du.
Saileko azken lanean, paperaren beheko aldean, horizontalean jarritako zortzi zenbakiak infinitua sinbolizatzen du.
Zahartzaroa irudikatzen duten irudiek forma zorrotzagoak, simetrikoagoak eta geometrikoagoak dituzte.
Af Klintek arrautza-tenperaz margotu zuen saila, zeina azkar lehortzen baita. Horrek esan nahi du artistak nekez egingo zituela hain obra handiak berak bakarrik; aitzitik, espiritu gidari baten argibideei jarraikiz, lagun izango zuen Bostak taldeko kideetako bat, Cornelia Cederberg, bai eta Gusten Anderson adiskidea ere. Aditu batzuen arabera, estudioko zoruan egin zituen pinturak, tamaina handia hobeto jorratu ahal izateko, baina tanta-jarioen markek iradokitzen dute agian posizio bertikalean eginak direla, posizio tradizionalagoan. Pintura horietako bakoitza lau egunean amaitu zuen. Af Klinten asmoa zen imajinatu zuen tenplu espiralean zintzilikatzea sail osoa, eraikinaren “horma-estalki eder” gisa deskribatu zuen pareta konfiguratzeko.