Hilma af Klint
Erretaulak
Erretaula, Erretaulak, X multzoa (Altarbild, Altarbilder, Grupp X), 1 zk., 1915
Atomoa saila
Atomoa saila (Serie Atomen), 8 zk., 1917
Iruzkinak
Pertzeval sailaPertzeval saila, III multzoa (Serie Parcifal, Grupp III), 1 zk., 1916
- Izenburua:
- Pertzeval sailaPertzeval saila, III multzoa (Serie Parcifal, Grupp III), 1 zk., 1916
- Erakusketa:
- Hilma af Klint
- Gaiak:
- Emakumea artean | Mitologia | Artistaren estudioa | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Ekoizpen artistikoa | Forma | Kolorea | Konposizioa | Sinbologia | Espiritualtasuna | Antroposofia | Teosofia | Suedia | Dualtasuna | Espiritismoa
- Mugimendu artistikoak:
- Arte Abstraktua
- Artelan motak:
- Pintura
- Aipatutako artistak:
- Af Klint, Hilma
Espiral ilun batek erdian dagoen argi zurirantz erakartzen gaitu; Af Klintek ezagutza espiritualerantz eginiko bidaiaren sinboloa da, agian. Horixe da Pertzeval saileko lehen pieza. Paper gaineko 144 obra dira guztira, multzotan banatuta, horiek ere zati anitzez osatuak. Sail honetako piezek deskribatzen dute neska gazte batek eta mutil gazte batek zer bidaia egiten duten jakintza bila, kontzientzia-planoen bidez. Lan ikaragarri oparoa da, artistak Tenplurako pinturak osatu ondoren hasitakoa. Obra indibidual bakoitzaren azpitituluek “eter” eta “astral” hitzak hartzen dituzte barne; teosofo eta antroposofoek baliatzen dituzte termino horiek, eta kontzientzia gailenagoa eskuratuz bakarrik lor daitezkeen indar ikusezinei egiten diete erreferentzia.
Sailaren izenburua Arturoren elezaharretik dator, zeinaren arabera Mahai Biribileko Pertzeval zaldunak Grial Santuaren bilaketan parte hartu baitzuen. Pertsonaia horren beraren alemanierazko izena hartzen du istorio berean oinarritutako Richarden Wagnerren Parsifal opera ezagunak. Elezaharrean bezala, Af Klinten Pertzevalek ere jakintza espirituala bilatzeari ekiten dio. Sail honi esker, artistak interpretatzen jarraitu ahal izan zuen espirituen mundutik hamarkada batez baino gehiagoz jasotako mezuen esanahia.
Askotariko konfigurazio eta gama kromatikoz osatutako irudiok erritmo bisual nabarmena dute. Margolan batzuetan hazi-formak agertzen dira erdian; beste batzuetan, berriz, inskripzio ñimiño eta sinbolo kriptikoak. Baita “aurrera”, “atzera”, “behera”, “barrura”, “kanpora” eta “gora” esan nahi duten suedierazko hitzak ere, kasu bakoitzean adierazten duten norabideari jarraikiz idatzita. Sail osoan zehar, artistak sinboloekin, formekin eta koloreekin esperimentatu zuen aditzera emateko maskulinotasunaren eta femeninotasunaren arteko dualtasuna, harmonia eta batasunaren artekoa.
Af Klintek hamar astetan sortu zituen lan hauek Munsö uhartean zeukan Villa Furuheim izeneko lakuko etxean. Garai hartan, bere estudioaren inguruan komunitate bat sortzeko asmoa zuen adiskideekin. Azkenik, villa horretako lurretan estudio bat eraikitzeko agindu zuen 1917an.