Hilma af Klint
Usoa, UW saila, IX/UW multzoa
Usoa, UW saila, IX/UW multzoa (Duvan, Serie UW, Grupp IX/UW), 1 zk., 1915
Pertzeval saila
Pertzeval saila, III multzoa (Serie Parcifal, Grupp III), 1 zk., 1916
Iruzkinak
ErretaulakErretaula, Erretaulak, X multzoa (Altarbild, Altarbilder, Grupp X), 1 zk., 1915
- Izenburua:
- ErretaulakErretaula, Erretaulak, X multzoa (Altarbild, Altarbilder, Grupp X), 1 zk., 1915
- Erakusketa:
- Hilma af Klint
- Gaiak:
- Emakumea artean | Artea eta erlijioa | Eragin artistikoa | Ibilbide artistikoa | Sorkuntza artistikoa | Forma | Kolorea | Konposizioa | Sinbologia | Espiritualtasuna | Sinbolismo erijiosoa | Teosofia | Suedia
- Mugimendu artistikoak:
- Arte Abstraktua
- Artelan motak:
- Pintura
- Aipatutako artistak:
- Af Klint, Hilma
Hilma Af Klinten beraren esanean, [Af Klintek berak kontatuko balu bezala] “sailaren orain arteko laburpena” ziren Erretaula ikusgarri hauek. 1915ean amaitutako lan-sorta hau Tenplurako pinturak zikloaren azken zatia da, eta tenpluko jainkotegian ikusgai jartzeko asmoz sortu zituen artistak. Proiektu osoaren formen, koloreen eta motiboen gailurra dira, Af Klinten bidaia espiritualaren behin betiko irudikapen pertsonala; haren sinesmenak ez ezik, jarraitu zituen mugimendu erlijioso eta espiritualen irakaspenak ere irudikatzen dituzte.
Badirudi hiru mihiseek lotura dutela eboluzioaren teoriaren bertsio teosofikoarekin, zeinaren arabera bi norabidetan gertatzen baita eboluzioa. Triangelua antzinako sinbolo bat da, mundu materiala eta espirituala lotzen dituena, eta gorantz begira dagoenean argitzapena ematen du aditzera. Hirukia beherantz begira dagoen pinturan, ordea, mundu jainkotiarretik materialeranzko jaitsiera irudikatu bide du. Urre koloreko zirkulu zabala, berriz, unibertsoaren sinbolo mistikoa da. Margolan horiek artistarentzat zuten garrantzia azpimarratu egiten du metalezko orrien erabilerak, zeinak maiz baliatzen baitira arte erlijioso tradizionalean. Distira-ukitu horiek tasun berezi eta argitsua ematen diete Erretaulak saileko lanei.
1930 eta 1931 arteko koaderno batean, Af Klintek bere pintura-zikloa hartu behar zuen tenpluari buruzko ikuspegia zirriborratu zuen: egitura ia biribil bat izango zen, eskailera kiribildu batez lotutako hiru solairuz osatua. Solairuak lau mailako dorre batek lotu bide zituen, eta, dorre haren gailurrean, areto bat egongo litzateke, Erretaulak zintzilikatzeko aldare batekin. Af Klintek idatzi zuenez, tenpluak [Af Klintek berak kontatuko balu bezala] “indar eta lasaitasun berezia” zabalduko zituen, irudikatzen zuenaren arabera.