Hilma af Klint
Hamar nagusiak, Titulurik gabea saila, IV multzoa
Hamar nagusiak, Haurtzaroa, Titulurik gabea saila, IV multzoa (De tio största, Barnaåldern, Saknar seriebeteckning, Grupp IV), 1 zk., 1907
Erretaulak
Erretaula, Erretaulak, X multzoa (Altarbild, Altarbilder, Grupp X), 1 zk., 1915
Iruzkinak
Usoa, UW saila, IX/UW multzoa Usoa, UW saila, IX/UW multzoa (Duvan, Serie UW, Grupp IX/UW), 1 zk., 1915
- Izenburua:
- Usoa, UW saila, IX/UW multzoa Usoa, UW saila, IX/UW multzoa (Duvan, Serie UW, Grupp IX/UW), 1 zk., 1915
- Erakusketa:
- Hilma af Klint
- Gaiak:
- Emakumea artean | Mitologia | Artea eta erlijioa | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Forma | Kolorea | Konposizioa | Sinbologia | Espiritualtasuna | Kosmologia | Suedia | Johann Wolfgang von Goethe
- Mugimendu artistikoak:
- Arte Abstraktua
- Artelan motak:
- Pintura
- Aipatutako artistak:
- Af Klint, Hilma
Argitik abiatuta materia sortzea da Usoa multzoaren gai nagusia. Margolan-sorta honetan, artistak hegazti sinboliko batera garamatza plano abstraktu eta lauso mistiko batean amaitzen diren eraldaketa-sekuentzia baten bidez.
Af Klintek askotariko joera plastiko, espiritual eta intelektualak hartu zituen inspirazio-iturri. Kristautasunean, usoa Espiritu Santuaren sinboloa da, eta oso ezaguna da, baita ere, bakearen ikur gisa eta jainkozkoaren mezulari gisa ere. Margolanetako bitan, usoak goiko aldetik behekorantz mugitzen dira, eta sinbolikoki lotzen ditu espiritua materiarekin eta zerua lurrarekin, harmonia-egoera bateranzko progresioan. Hirugarren mihiseak irudi figuratiboak eta abstraktuak konbinatzen ditu: uso batek energia maskulino eta femenino sorta bat igortzen du azpian dirdira egiten duen kuborantz. Kasu horretan, artistak forma abstraktua eta sinbolismo figuratibo-kromatikoa uztartu zituen egungo ideia zientifiko eta espiritualekin. Litekeena da Johann Wolfgang von Goethe idazle alemaniarraren 1810eko Koloreen teoria lanak eragina izan izana Af Klintek koloreaz egindako erabileran. Gizakiak kolorea hautemateko moduak zer-nolako konplexutasunak dituen aztertzeko behaketa eta esperimentu sakonak biltzen ditu, hain zuzen, Goetheren liburuak.
Zenbait mihisetan San Jurgiren eta herensugearen arteko borroka mistikoa ageri da irudikatuta, hau da, ongiaren eta gaizkiaren arteko borroka. San Jurgi zen artistaren alter egoetako bat, berak oharretan idatzi bezala. Azken hiru lanetan, planetak ageri dira eraztun eta sinbolo astrologikoekin, zenbakiekin eta zeinuekin. Planeten itxura metalikoak lehenagoko tradizio piktorikoak gogorarazten dizkigu, hala nola eskuizkribu edertuetako eta Erdi Aroko ikonoetako urrezko haloak.
Erlijioa eta kosmologia uztartuz, Af Klintek aro moderno berri baterako irudi sakratuak sortzea espero zuen.