Oteiza: Mitoa eta modernotasuna
Espainian eta Amerikan egin zituen lehenengo obrak [1. Aretoa – Hasierako obrak]
Iruzkinak
Sarrera
- Izenburua:
- Sarrera
- Erakusketa:
- Oteiza: Mitoa eta modernotasuna
- Gaiak:
- Artea eta denbora | Artea eta espazioa | Artea eta historia | Esperimentazio artistikoa | Espazioa | Lan-prozesua
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Oteiza, Jorge
Ongi etorri Oteiza: Mitoa eta modernotasuna erakusketara. Oteiza artista konplexua izan daiteke, batzuetan iluna edo paradoxikoa, baina baita erabat argia eta arrazionala ere. Eta beste hainbeste gertatzen da bere lanarekin, mitoaren, mistizismoaren eta intuizioaren bide ilun eta bihurgunetsuak ez ezik Modernotasunak defendatutako enteleguaren eta zientziaren bide garbiak ere zeharkatzen baititu.
Oteizak beti eutsi izan zion ideia hauxe da, arte modernoak bitartekotza egin behar zuela pentsamendu zientifikoaren eta pentsamendu mitikoaren arteko bereizketa erradikal horretan eta, izan ere, bere prozesu esperimentala dugu horren adierazgarri. Eta, izan ere, nozio hori oso baliagarria izan zitzaion 1958an bere eskultura bihurtzen ari zen hutsaren aurrean jarrera jakin bat hartu behar izan zuenean, eskuartean eskulturarik gabe geratzen ari zelako sentsazioari aurre egin behar izan zionean. Une hartan, Oteizak harrespilen hutsarekin erlazionatu zuen huts hori, Euskal Herriko mendietan sarri asko ikus ditzakegun historiaurreko eraikuntza zirkular txiki horien huts hori, eta harrespil haiek eraiki zituzten antzinako gizakien lekuan jarriz, prozesu jakin bat bukatzen den gune gisa arrazoitu zuen. Horren ondorioz, amaitutzat eman zuen hark artean jarraitutako prozesua, errealitatean zuzenean jarduteko, hain zuzen ere.
Oteizaren garapen artistikoa hark familia esperimentalak deitutako horren bidez sortzen da, problematika bera duten obra multzoen bidez. Hala, gida honetako komentarioak obra multzoei buruzkoak izango dira oro har, obra batzuk bereziki aipatuko baditugu ere.
Orain, goza ezazu bisitaldiarekin.