Oteiza: Mitoa eta modernotasuna
Moore, obra existentzialistak eta portzelanak [1. Aretoa – Hasierako obrak]
Hiperboloidea [2A Aretoa – Hiperboloidea, argi-kondentsadoreak]
Iruzkinak
Aldiberekoa denari buruzko entsegua [1. Aretoa – Hasierako obrak]
- Izenburua:
- Aldiberekoa denari buruzko entsegua [1. Aretoa – Hasierako obrak]
- Erakusketa:
- Oteiza: Mitoa eta modernotasuna
- Gaiak:
- Artea eta denbora | Esperimentazio artistikoa | Sorkuntza artistikoa | Geometria | Mugimendua
- Mugimendu artistikoak:
- Arte Abstraktua | Arte Figuratiboa
- Artelan motak:
- Eskultura
- Aipatutako artistak:
- Oteiza, Jorge
Oteizak aldiberekoa dena aztertzeko erakutsitako nahi horrek badu zerikusirik estatua berean bi denbora desberdin egon daitezkeelako ideiarekin. 1947an ekin zion gai hori aztertzeari, eta Buenos Airesko eskultura publiko baterako lehiaketa baterako aurkeztutako obran ikus dezakegu hori. Oteizaren esanetan, proiektua hiru besoz osatutako irudia zen, eta hiru beso horietatik bi bakarrik ikus zitezkeen ikuspegi beretik. Hala, eskulturaren inguruan ibiltzean, mugimendu sentsazioa sortzen zen, besoa jarreraz aldatuko balitz bezala.
Hemen aurkezten dugun Aldiberekoa denaren entseguak, 1951n Milango IX. Trienalean Ohorezko Diploma jaso zuenak, berriro ere erakusten digu amatasunaren gaia, beren buruak elkarren ondoan dituzten ama-semearena. Eskulturaren inguruan ibiliz gero, gai bera topatuko dugu, beste aldetik ikuspegia errepikatuko balitz bezala, baina tratamendu desberdinarekin, ordea. Beraz, gai beraren bi bertsio agertzen dira batera pieza bakar batean.
Done Jurgi obran antzeko zerbait gertatzen da. Ikuspuntu jakin batetik gaiaren tratamendu figuratiboa ikusten dugu, Done Jurgi eta Herensugea kapitel erromaniko antzeko batean biltzen dituena; kontrako ikuspuntutik, berriz, gaiaren tratamendua abstraktua da erabat, geometria zirkular batean oinarritua.