Oteiza: Mitoa eta modernotasuna
Kuboideak eta maklak [3A Aretoa – Poliedroen irekidura]
Erliebeak [3A Aretoa – Poliedroen irekidura]
Iruzkinak
Klarionen laborategia [3A Aretoa – Poliedroen irekidura]
- Izenburua:
- Klarionen laborategia [3A Aretoa – Poliedroen irekidura]
- Erakusketa:
- Oteiza: Mitoa eta modernotasuna
- Gaiak:
- Gizakia | Heriotza | Artea eta mitologia | Esperimentazio artistikoa | Sorkuntza artistikoa | Espazioa | Forma | Geometria | Materiala | Espiritualtasuna
- Mugimendu artistikoak:
- Arte Abstraktua
- Artelan motak:
- Arkitektura | Eskultura
- Aipatutako artistak:
- Oteiza, Jorge
Klarionen laborategiko lehenengo obrek lotura estua dute Maklekin. Izan ere maklak dira, kuboideen ordez nahiko prisma luzeak abiapuntutzat dituztenak. Obra bareagoak dira, lehen ikusi ditugun maklen aldean barrualdean hainbesteko asaldura antzematen ez zaienak.
Prometeon, Oteizak oso gustukoa zuen gaiari heldu zion berriro, aurretik Preso politiko ezezagunari egindako monumentuan landutakoari: jainkoei suaren sekretua lapurtu zien heroiaren gaia da, gizakiei entregatu nahian, eta horregatik arroka batean kateatua geratzeko eta arrano batek egunero haren gibela erauzteko zigorra ezarri zitzaiona. Nukleoaren hustuketaren inguruko ideia hau, erraiak ateratzearen ingurukoa alegia, bere obra guztietan agertzen da Apostoluetatik hasi eta Prometeo bezalako lan abstraktuetaraino, eta konnotazio espiritualak ez ezik konnotazio gizatiarrak ere baditu, esate baterako altruismoa, emankortasuna eta eskuzabaltasuna, Oteizarentzat artistaren beraren jarduerarekin nahitaez lotura estua izan behar duten gaiak.
1972an, eskultura baztertu eta hamar urte baino gehiago igaro ondoren, Oteizak bere ikerlan batzuei berriro heltzea eta ikerlan haiek garatzea erabaki zuen. Ikerlan haietatik, Klarionen Laborategian jardun zuen gehienbat, zeinu desberdinak sortzen dituzten elementu prismatikoen konbinazioan oinarritutako hainbat eta hainbat eredu garatuz. Paretako bitrinan zeinu horietako batzuk ikus ditzakegu, nahiz eta jatorrizko klarionak altzairuzko lingoteetan agertu. Aita Leterentzako hilarria, 1957koa, aurrenetako ereduetako bat da, baita sail tematiko baten hasiera ere: hilarriak, hilobietako oroigarriak, alegia. Hemen, hilarrien adibide bat baino gehiago agertzen zaigu, adibidez Madoz-entzako hilarria edo Erbesteratzearen hilarria.
Beste zenbait kasutan, abiaburuko elementuaren linealtasuna kontzentratu egiten da eta masa kubikoagoak sortzen ditu, adibidez Oteizak arkitekturarekin lotzen duen Kubo irekiak, barne-espazioak eta argi-eusteak obran.