Oteiza: Mitoa eta modernotasuna
Arantzazu [2B Aretoa – Arantzazu]
Kuboideak eta maklak [3A Aretoa – Poliedroen irekidura]
Iruzkinak
Poliedroen irekidura [3A Aretoa – Poliedroen irekidura]
- Izenburua:
- Poliedroen irekidura [3A Aretoa – Poliedroen irekidura]
- Erakusketa:
- Oteiza: Mitoa eta modernotasuna
- Gaiak:
- Artea eta espazioa | Eragin artistikoa | Esperimentazio artistikoa | Sorkuntza artistikoa | Bolumena | Espazioa | Geometria | Lan-prozesua | Materiala
- Artelan motak:
- Eskultura
- Aipatutako artistak:
- Oteiza, Jorge
Diskoz egindako ebaketez irekitako poliedroak edo Harri diskatuak deitzen den sail honetan, Oteizak saioak egin zituen harrizko bloke bat kanporantz irekitzeko moduarekin, Miguel Angelen ideian oinarrituta. Ideia horren arabera, eskultura marmolezko blokearen barruan dago jadanik eta soberan duen materiala kentzea da eskultorearen zeregina.
Oteizak ebakiak egiten zituen blokearen gainean disko-makina zuzenean aplikatuz, eta horrela materialaren zati bat kenduz bolumen berriak deskribatzen zituen, bolumen horien egitura ebakien arrasto linealek seinalatutakoa izanik.
Zu zara Petri eskulturan lerroek gurutzea irudikatzen dute, eta “Zu zara Petri, eta harri honen gainean eraikiko dut nire eliza” ebanjelioaren titulutik hartutako aipamenari buruzkoa da.
Ikus dezagun ondoko bitrina. Bertan, poliedroen irekidura lantzeko modu desberdinak antzemango ditugu. Hala, Solido batek kanpoko espazioari emandako erantzun hirukoitzan, beltz koloreko marmolezko blokeari 3 hustuketa kurbatu egin dizkio, kanpotik sortutako hozkadak balira bezala, eta inguratzen duen espazioaren neutraltasuna eteten duen objektu izatea eragiten du horrek, agente aktibo bihurtuz.
Halako esperimentazio lanetan oinarrituta, Oteizak aurrera egin zuen metalezko laminekin egin zituen lehenengo obretan. Solidoaren azalerekin bakarrik geratuz eta bere estalkia balitz bezala metalezko xaflez eraikiz, eskultoreak Poliedro hutsaren definizioa eratu zuen, bere inguruko espazioa mobilizatzeko gaitasuna ez ezik bere gardentasuna eta bere barrualdeko hustuketa ere ezaugarritzat dituena.