Oteiza: Mitoa eta modernotasuna
Aldiberekoa denari buruzko entsegua [1. Aretoa – Hasierako obrak]
Argi-kondentsadoreak eta alabastroak [2A Aretoa – Hiperboloidea, argi-kondentsadoreak]
Iruzkinak
Hiperboloidea [2A Aretoa – Hiperboloidea, argi-kondentsadoreak]
- Izenburua:
- Hiperboloidea [2A Aretoa – Hiperboloidea, argi-kondentsadoreak]
- Erakusketa:
- Oteiza: Mitoa eta modernotasuna
- Gaiak:
- Artea eta espazioa | Esperimentazio artistikoa | Sorkuntza artistikoa | Espazioa | Forma | Geometria | Lan-prozesua
- Teknikak:
- Ensanblajea | Marrazkia
- Artelan motak:
- Eskultura
- Aipatutako artistak:
- Oteiza, Jorge
1950az geroztik, Oteiza progresiboki definitzen joan zen eskulturaren masaren eta inguratzen duen espazioaren arteko elkarrekikotasun berria.
Hiperboloiderako bozetua (“sagarra/energia”) marrazkiak kezka berri horiek egiaztatzen dizkigu. Bertan, sagar bat jan eta gero geratzen den arrastoa masaren gutxieneko kantitatea dela antzematen dugu. Hala eta guztiz ere, gutxieneko arrasto horrek agerian uzten du, lehen, orain ez dagoen zerbait zegoela, eta bere lekua espazioak hartu duela. Arrasto material horren azalera konkaboek forma ematen diote eta aktibitate handiagoa eskaintzen diote espazioari, masaren urritasunaren aurrean. Sagar-zuztar horrek geometrian hiperboloide deitzen zaion horren antzeko forma du.
Une horretatik aurrera, Oteizak espazioa desokupatzeko lanari ekin zion hiperboloide horiek konbinatuz, eta hori Ale hirukoitz eta arinan ikus dezakegu, elkarren gainean jarritako hiru alez osatutakoan.
Ondoren agertzen den obra, Hedatzen ari den botila, pintatutako zur zatien ensanblaje bat da. Hauxe da natura hilez osatutako multzo handiago batetik geratzen den zati bakarra, eta multzo horri dagokion plan orokorra ondoan duen marrazkian ikus dezakegu. Hedatzen ari den botilak botila bat espaziora irekitzeko modua planteatzen du. Oteizak hauxe egiten du, botila luzetara bi zatitan banatu eta bi erdiak aurrez aurre jarri. Hala, botilaren barrualdea espaziora irekia geratzen da, kanpoaldea bere baitan ixten den bitartean. Ikus dezakegunez, hondo bat eta hiru elementu barne hartzen dituen konposizioa ebazteko modu eskematikoa dugu hau, botilaren lepoa eta bi erdiak alegia, zati biribilduak barrurantz eta kontrakoak kanporantz daudelarik.