Oteiza: Mitoa eta modernotasuna
Laborategi esperimentala [3C Aretoa – Laborategi esperimentala]
Kutxa metafisikoak, diedroak eta triedroak [4. Aretoa – Eraikuntza hutsak eta azkena ematen duten obrak]
Iruzkinak
Eraikuntza eta Kutxa hutsak [4. Aretoa – Eraikuntza hutsak eta azkena ematen duten obrak]
- Izenburua:
- Eraikuntza eta Kutxa hutsak [4. Aretoa – Eraikuntza hutsak eta azkena ematen duten obrak]
- Erakusketa:
- Oteiza: Mitoa eta modernotasuna
- Gaiak:
- Artea eta espazioa | Esperimentazio artistikoa | Sorkuntza artistikoa | Espazioa | Geometria | Materialtasuna
- Mugimendu artistikoak:
- Arte Abstraktua | Espresionismoa
- Artelan motak:
- Eskultura
- Aipatutako artistak:
- Oteiza, Jorge
Dagoeneko ikusi dugu nola eman zion hasiera Eraikuntza hutsen sailari, Malevich Unitateak bertsio positibo eta negatibo desberdinetan definitu eta gero. Hemen aurkezten diren bertsio desberdinetan ikus dezakegunez, unitate horietako asko multzo nahaspilatuetan erabiliz hasten da Oteiza eta, gutxinaka, multzo horiek menderatzen joango da, hasierako espresionismoak egoera bareago eta isilago batzuei bide ematen saiatuz. Hala ere, gorabeheraren bat tartean dela sortzen da prozesu hori; Eskultorearen errorea eskulturaren protestarekin obra horren erakusgarri bikaina da.
Eskultorea unitateak konbinatuz hasten da eta, une jakin batean, multzoaren kontrola galtzen duela ikusten du. Kontrol hori berreskuratzeko, elementu diagonal luzeagoa gehitzen du, sortzen ari zen desbiazioa konpentsatzeko. Horren emaitza barrualdean asaldura handia duen pieza da, non bere zailtasunak agerian uztea eta zuzenketa nabarmentzea erabakitzen duen artistak, eskulturatik egindako protesta modura.
Alboko oinarrian, Espazioaren desokupazio ez kubikoa obrak formak baretzeko eta gero eta handiagoak diren espazio hutsak itxuratzeko artistak hasitako bide hori erakusten digu. Obra tamaina desberdinetako 6 unitate positibo-negatibok osatzen dute, eta unitate horiek elkarren artean artikulatzen dira eta barruko espazioa zehazten dute. Desokupazio ez-kubikoaren ideiak hauxe adierazten du, sei unitate horiek ez dutela azkenean kubo bat eratzen, ondoko idulki handian ikus ditzakegun Kutxa hutsak sailean ez bezala.
Oro har, kubo baten sei karratuek osatutako piezak dira, eta karratu horietako bakoitzari Malevich Unitate huts baten baliokide den zatia falta zaio. Materia kuboaren definizio geometrikora mugatzen deneko eskulturak dira, zati immateriala, espazioa, gero eta aktiboago bilakatzen den bitartean, energia puruko errezeptakulu bare bihurtuz.