Alberto Giacometti. Atzera begirakoa
Annette beltza, 1962
Emakume koilara, 1927
Iruzkinak
Emakume burua (Flora Mayo), 1926
- Izenburua:
- Emakume burua (Flora Mayo), 1926
- Erakusketa:
- Alberto Giacometti. Atzera begirakoa
- Gaiak:
- Artea eta espazioa | Erretratua eta autorretratua | Flora Mayo
- Mugimendu artistikoak:
- Abangoardia
- Artelan motak:
- Eskultura | Pintura
- Aipatutako artistak:
- Giacometti, Alberto
Giacomettik sarritan erabili zuen igeltsua bere lanak egiteko, eta material horrekin egindako lan asko gorde dira, besteak beste buru multzo hau. Guztien artetik bat nabarmentzen da: Flora Mayo-ren erretratua, Giacomettiren lehenbiziko amodioa.
Haien arteko harremana 1925 eta 1929 bitartean luzatu zen gutxi gora behera, artistaren Parisko hasierako urteetan, alegia. Bere aldi abangoardistaren hasieran ezagutu zuen Giacometti Flora Mayok, artista igeltsuarekin eta estilo desberdinekin esperimentatzen ari zen garaian.
Lan honetan, hain zuzen ere, itxurazko bidimentsionalitatea ikusten dugu. Aurpegi zapal samarra du, eta formak eta hazpegiak irudikapen ia eskematikoan zehaztuta daude. Pintura erantsi dio igeltsuari, hazpegiak azpimarratzeko; hala, nabarmendu egiten dira haren ile gorriaren apainketa gazte-erakoa, haren begi urdinak eta haren ezpain makilatuak.
Giacomettik bere ibilbide osoan zehar izan zuen erretratatuekiko interesa. Artistak inguru hurbileneko pertsonak inspirazio iturritzat hartzen jarraitu zuen bere lanak zizelkatzeko, batez ere Diego anaia, Annette emaztea, eta beste hainbat adiskide eta maitale. Igeltsuak —moldagarria eta adierazkortasun handikoa— haren material kutuna izaten segituko zuen.