Alberto Giacometti. Atzera begirakoa
Caroline soineko gorriz, ca. 1964–65
Iruzkinak
Gizon baten burua (Lotar I), ca. 1964–65
- Izenburua:
- Gizon baten burua (Lotar I), ca. 1964–65
- Erakusketa:
- Alberto Giacometti. Atzera begirakoa
- Gaiak:
- Gizakia | Erretratua eta autorretratua | Eli Lotar
- Artelan motak:
- Eskultura
- Aipatutako artistak:
- Giacometti, Alberto
Alberto Giacometti: “Nik neronek ikusten dudanaren arabera, masak norbanakoen bildumak besterik ez dira. (…) Eta gorena, niretzat, misterioa, hain zuzen ere, norbanako bakar horien aurpegietan datza. Behin, museo batean, aurpegiak ikertzen hasi nintzen, eta berehala ukitu ninduen zeinen biziak eta iheskorrak ziren ikusteak, artelanak ez bezala; izan ere, bat-batean hotzak eta hilak iruditu baitzitzaizkidan artelan haiek. Etsipen moduko batek jota bezala geratu nintzen, konturatu bainintzen inor inoiz ez zela iritsiko aurpegi horien misterioa eta haietan islatzen zen bizitza osorik jasotzera”.
Eli Lotar zinemagile eta argazkilaria izan zen Giacomettiren azken modelo gizonezkoetako bat. Hemen ikusten dugu brontzezko busto bat, 1964–1965 bitartekoa. Garai batean bere irudietan eskala desberdinekin esperimentatu bazuen ere, Giacomettik azken urteetan egin zituen bustoetan forma egonkorragoa aurkitzen dugu, askoz ere proportzionatuagoa. Azken urteetako busto horiek kontrakotasun lana egiten dute, erakusketaren hasieran bildu diren 1920ko hamarkadako buruen aldean. Buru haiek eskematikoagoak eta bidimentsionalak dira, baina hauetan Giacomettik, bere bizitzaren amaieran, begiradari erreparatzen dio.