Alberto Giacometti. Atzera begirakoa
Objektu desatsegina, 1931
Kuboa, 1934
Iruzkinak
Lepoa moztutako emakumea, 1932
- Izenburua:
- Lepoa moztutako emakumea, 1932
- Erakusketa:
- Alberto Giacometti. Atzera begirakoa
- Gaiak:
- Emakumea artean | Generoa eta sexualitatea | Subkontzientzia
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Giacometti, Alberto
Giacomettik eskultura honi eman zion izenburu deskriptiboak —Lepoa moztutako emakumea— modu lazgarrian eskaintzen digu bestela forma harrigarria gertatuko litzaigukeen honen kontakizuna.
Piezak modu bikainean islatzen du Giacomettiren aldi surrealista, 1930eko hamarkadaren hasierakoa. Hari interesatzen zitzaion mugimendua norberaren inkontzientean nola sartzen den, gai aski konplexuak agerrarazteko: egoera antagonikoak, mina eta estasia, gizatiarra eta ez gizatiarra, edo intsektu forma. Aldi berean erakargarriak eta higuingarriak diren gauzak.
Eskulturan bereiz dezakegu izenburuko emakumea, itxuraz hilzorian dela. Forma oldarkorra da, ia tranpa bat ematen duena, landare haragijale bat, ukituz gero itxiko dena. Eskuineko hanka antzeman dezakegu gorputzaren azpian bildurik, kaxa toraziko puntadun bat osatzen duela, soina bizkar-hezur baten gisan tolesten den artean. Aldi berean, eztarria zintzur-heste ireki baten moduan ageri da, uve formako ebakia erakusten duena. Emakumearen hil aurreko azken asperenak aditzen ditugu ia.
Giacomettik lan hau lurrean, edo lurretik hurbil, jartzeko sortu zuen, harekin estropezu egin genezan, ezbeharrez bezala; ez zuen idulki gaineko artelan gisa pentsatu. Objektuarekin aurrez aurre jartzen gaitu horrek, gure espazioan bertan, eta horrek fisikoki mehatxagarriagoa bihurtzen du.