Alberto Giacometti. Atzera begirakoa
Iruditxoa bi etxeren artean, 1950
Bi emakume zutik eta iruditxoa kaiola barruan, ca. 1950
Iruzkinak
Burua hagatxo batean, 1947
- Izenburua:
- Burua hagatxo batean, 1947
- Erakusketa:
- Alberto Giacometti. Atzera begirakoa
- Gaiak:
- Gizakia | Bizitza | Heriotza | Artea eta emozioa
- Artelan motak:
- Eskultura
- Aipatutako artistak:
- Giacometti, Alberto
Burua hagatxo batean izeneko 1947ko lan honek aurrez aurre jartzen du ikuslea bere emozioekin. Burua ahozabalik erakusten du, atzeraka makurtuta eta gorputzetik bereizita. Ia entzuten ahal dugu irudiak igortzen duen oihu isila.
Igeltsuzko azalaren gainean eragiten du Giacomettik, margotuta badago ere, harramazka eginez zirrara areagotzeko, eta ondorioz, testurez betetako azal hau sortzen da. Igeltsua, bistan denez, material malgua eta formarik gabea, aukerako langaia da keinu eta emozio sorta zabal hori jasotzeko, koxka eta marra horiekin guztiekin. Emozio hori ez zuen beti lortzen brontzezko lanen azalean.
Giacomettik esan zuen errebelazio lazgarria izan zuela 1946an, adiskide baten heriotza ikusi zuenean. Haren ondoren, heriotzak bizitzari buruzko egia agerrarazten digula uste izaten hasi zen eta, horri buruz ari zela, honako gogoeta hau egin zuen:
“Hasi nintzen buruak ikusten hutsean, inguratzen dituen espazioan. Lehenbiziko aldiz argi antzeman nuenean, begiratzen zuen buru bat finko bilaka zitekeela, izu-ikara jabetu zen nitaz, ordurarte bizitzan sekula ez bezala, eta izerdi hotza jaitsi zitzaidan bizkarrean behera. Ez zen jadanik buru bizi bat, objektu bat baizik, beste edozein objektu bezala begiratzen ari nintzena; baina ez, modu desberdin batez, ez beste edozein objektu bezala, aldi berean bizia eta hila den zerbait bezala baizik. Ikaratuta oihu egin nuen, atari bat iragan izan banu bezala, lehen ikusi gabeko mundu batean sartzen ari banintz bezala. Bizi guztiak hilak zeuden, eta begitazio hori askotan errepikatu zen…”.