Surrealismoaren gauzak
Dantzaldia balleteko dekoratuak eta jantziak
Iruzkinak
Sarrera
- Izenburua:
- Sarrera
- Erakusketa:
- Surrealismoaren gauzak
- Gaiak:
- Artea eta emozioa | Artea eta umorea | Eragin artistikoa | Sorkuntza artistikoa | Sormena | Diseinua | Altzari-diseinua | Bitxi-diseinua | Eszenografia | Jantzi-diseinua | Peggy Guggenheim
- Mugimendu artistikoak:
- Surrealismoa
- Artelan motak:
- Argazkia | Ikus-entzunezkoa
- Aipatutako artistak:
- Dalí, Salvador
Ongi etorri Surrealismoaren gauzak erakusketara. Erakusketa hau Londresko Victoria and Albert Museum-ak antolatu du eta Guggenheim Bilbao Museoarekin batera ekoiztu du. Gainera, BBVAren babes eskuzabalari esker gauzatu da erakusketa.
Surrealismoak XX. mendeko objektu ezohikoenak eta irudimen handikoak sortu zituen. Artista surrealistek jantziak eta bitxiak, altzariak eta antzerkiko dekoratuak diseinatu zituzten, eta argazkilaritzan eta zinemagintzan ere aritu izan ziren lanean. Haien eragina diseinuaren munduko eremu guztietara zabaldu zen. Erakusketa hau lehena izan da Surrealismoaren eta diseinu, arkitektura eta dekorazio-arteen arteko erlazioa aztertzen.
Bestalde, erabat egokia izan da Guggenheim Bilbao Museoak erakusketa honi harrera egin izana. Guggenheim sareak lotura berezia du Surrealismoaren mugimenduan funtsezkoak izan ziren bi irudirekin: Salvador Dalí espainiarrarekin, mugimenduak izandako irudi ospetsu eta eztabaidatuenetako batekin; eta Peggy Guggenheim berarekin, inoiz izan den arte surrealistaren bilduma adierazgarrienetako bat osatu zuenarekin.
Hemen, objektu eta artelan surrealista ugari ikusi ahal izango dituzu. Asmamen handikoak eta originalak, umoretsuak eta makabroak, bitxiak eta aztoragarriak, eta liluragarriak guztiak. Otarrain itxurako entzungailua duen telefono bat ikusiko duzu, baita zapata forma duen kapela bat, kaiola baten itxurako ohea, eta usteltzen ari den haragiz egina dirudien soineko bat ere.
Azalpenak emanez ahots desberdinak entzungo dituzu, erakusketan zehar gidatuko zaituztenak. Surrealistak lehenengo pertsonan eta haiek ezagutu zituztenak entzungo dituzu; baita Surrealismoan adituak direnak eta gaur egungo diseinatzaileak ere. Erakusketaren komisario den Ghislaine Wooden hitzak ere entzungo dituzu.