Surrealismoaren gauzak
La reproduction Interdite, 1937, Magritte
Peggy Guggenheim-entzako belarritakoak, Yves Tanguy
Iruzkinak
Beistegui-ren apartamentua
- Izenburua:
- Beistegui-ren apartamentua
- Erakusketa:
- Surrealismoaren gauzak
- Gaiak:
- Artea eta espazioa | Artea eta pertzepzioa | Artea eta teknologia | Sormena | Diseinua | Barne-diseinua | Paris | Carlos de Beistegui | Le Corbusier
- Mugimendu artistikoak:
- Surrealismoa
Carlos de Beistegui-k Eliseo-Zelaietan zuen apartamentu bikaina Parisko leku surrealista dotoreenetako bat zen. “Fantasia modernoa” deitutako estiloa zuen, diseinu modernoa, antigoaleko altzariak, eta objektu eta dekorazio surrealistak nahastearen emaitza.
Le Corbusier-ek diseinatu zuen, eta hark aurrera eramandako proiektu bereizgarrienetako bat da. Baliabide tekniko aurreratu ugari erabiliz eraiki zuen, besteak beste, zine-ekipo bat eta automatikoki lerratzen ziren ateak.
Goiko terrazako lorategia zen apartamentuko lekurik surrealistena. Aire zabalean eraikitako egongela baten antzera diseinatu zuen: belarrezko alfonbra batekin, zementuzko horma altuekin, eta XVIII. mendeko altzari eta tximinien harrizko erreplikekin. Landaresiak automatikoki lerratzen ziren Parisko monumentu famatuenen, hau da, Garaipenaren Arkuaren eta Eiffel Dorrearen ikuspegi partzialak eskaintzeko. Gonbidatuek inoiz ez bezala ikus zezaketen horrela hiria, kamera ilun batetik, desitxuratutako zinta mehe bat bezala ikusten baitzen dena. Horrek guztiak Surrealismoak hainbeste irrikatzen zuen efektua sortzen zuen: ezaguna zen zerbait arrotz eta ezezagun bihurtzea, alegia.
Carlos de Beistegui xarma handiko gizona eta irudi nabarmena zen Parisko giro sozialean. Aberatsa, dotorea eta gustu ausartukoa zen, baita mezenas ezaguna ere artearen eta diseinuaren munduan.