Surrealismoaren gauzak
Dekalkomania, Óscar Domínguez
Hodei-itzurako sofa eta oin-euskarria, 1948, Isamu Noguchi
Iruzkinak
Irudiak izarrekin, 1933, Joan Miró
- Izenburua:
- Irudiak izarrekin, 1933, Joan Miró
- Erakusketa:
- Surrealismoaren gauzak
- Gaiak:
- Artea eta moda | Sorkuntza artistikoa | Forma | Natura | André Breton | Subkontzientzia
- Mugimendu artistikoak:
- Arte Abstraktua | Surrealismoa
- Artelan motak:
- Artisautza | Pintura | Tapiza
- Aipatutako artistak:
- Miró, Joan
Tapiz hau Joan Miró artista surrealista katalanak egina da. Obra honetan haren diseinu “biomorfoa” ikus daiteke, naturaren munduan inspiratutako forma abstraktuak erabiliz eratutakoak.
Hauxe dio Ghislaine Wood komisarioak:
“Begien aurrean Joan Miróren Irudiak izarrekin izeneko tapiza duzu. Frantziako Aubusson tapizgintza tradizionaleko tailer famatuan egin zen 1933. urtean. Urte berekoa da baita ere, izen berdina duen eta tapiza egiteko kartoi bezala erabili zen pintura.
Marie Cutolli-k, Meerbohr moda-etxearen buru zenak, diseinu bat sortzeko eskatu zion Joan Miróri. Tapizgintza tradizionala indarberritu nahi zuen hark eta, hala, hainbat eskari egin zizkien artistei, ondoren Aubusson bezalako tailer famatuetan haien diseinuak tapizetan berregiteko.
Tapizak alderantzikatu egiten du pinturaren diseinua eta hortxe antzematen da nola egiten ziren tapizak: pintura marrazteko koadroa bezala erabiltzen baitzen eta alderantziz jarraitzen.
Nabarmentzekoa da Miróren koadro hau, tapiz baten oinarri izateko sortua izan zena, 1930eko hamarkadaren hasierako bere pintura biomorfo gailenetako bat izatea. André Breton-en hitzetan “guztiotatik pintore surrealistena da” Miró. Izan ere, hark garatutako irudiak inkontzientetik erauzitako formak dira, besteren artean, izarrak, eskuak eta hankak. Forma organikoak, guztiok zerbaitekin erlazionatu ditzakegun irudiak, sakonetik aztertu zituela erakusten dute gainera”.